Казначействонаң тоғыс чахсы апарылча
10.07.2026
Хабарлар
Александр Михайлик
Тоғазығ. Хакасия пазы Валентин Коновалов Федеральнай казначейство устағҷызының орынҷызы Александр Михайликнең тоғасхан
Хайди Валентин Коновалов таныхтаан, Хакасия правительствозының паза Федеральнай казначействоның республикаҷа устаныстың аразында палғалыс чахсы тудылча. Андағ хада-пiрге тоғыс регионның чуртас-экономиказын тилiдерге ахча киреенде иптiг чарадығлар аларға полысча. Хакасия правительствозы позының саринаң регионның паза национальнай проекттернi, iдӧк федеральнай программаларны толдырарына прай ниме итче.
– Региондағы устаныс паза федеральнай устағ сыбыра удур парарға тимдезi ӱчӱн сiрернi алғыстапчам. Амды прай сурығларны табырах пӧгерге киректелче, пiс сынында хабазығны кӧрчебiс. Анзы регионға уғаа кирек, – таныхтаан Хакасия пазы.
Ам регионның бюджет политиказының ӧӧн кӧстее – ахча киреенде хатығ дисциплина, чахсы планирование, бюджетниктерге чал ахчазын паза пособиелернi тузында тӧлирi, льготаларны паза социальнай полызығларны артызары.
Регион пазының таниинаң, республика бюджедiнiң хорадығларынҷа ӱзӱрлир политика апарча. Iди пылтыр, кӧзiдiмге, иң кирек нимес хорадығлар 10% хызырылғаннар, ол санда чиновниктер аппарадын тударына.
Хайди Александр Михайлик таныхтаан, орындағы устаныстың устағҷызы Дмитрий Набирухин региондағы сурығларны пӧгерiнде чахсы араласча. Федеральнай казначейство устанызының паза республика правительствозының хада-пiрге тоғызы пӧзiк синдезiн ол таныхтаан.
– Пiс сыбыра чоохтапчабыс: кiн кiзiлерi иң пастап регионнарға хабазарға киректер. Ол кiзiлерге кирек полза, ағаа хайди даа хабазығ полар. Дмитрий Юрьевич анзын чахсы пiлчеткенiн кӧрерге дее чапсых, ол прай ниме идерге кӱcтенер, – таныхтаан Александр Георгиевич.
Тоғазығда ам парчатхан киректернi, хада-пiрге тоғынарын, алнындағы пӧгiннернi ӱзӱргеннер, бюджет политиказының сурығларын, ахчанаң тӱзiмнiг тузаланарын паза даа пасха сурығларны кӧрiбiскеннер.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
