Россияның паза Сербияның опера ырҷылары сарнирлар
01.07.2026
Хабарлар
Республика кӱнiне. 3 отта 19.30 часта Ағбандағы Пастағы май ачығында «Оперные горизонты Хакасии» чайаачы иир (6+) иртер
Танығлығ мероприятие Президенттiң культура пастағлары чыындызы полызиинаң Хакас Республиканың 35 чылына чарыдылча. Анда Россияның паза Сербияның ӧӧн театрларының ырҷылары аралазар. Сценазар сығарлар: Россияның саблығ артизi, Мариинскай театрның ырҷызы Татьяна Павловская (сопрано, Санкт-Петербург), Мариинскай театрның ырҷызы Юлия Маточкина (меццо-сопрано, Санкт-Петербург), Сербияның национальнай театрының ырҷызы Желько Андрич (баритон, Нови-Сад, Сербия), Новая опера театрның ырҷызы Георгий Васильев (тенор, Москва), «Геликон-опера» Кӧг театрының ырҷызы Лидия Светозарова (сопрано), Хызылчардағы опера паза балет театрының ырҷызы Александра Черпакова (сопрано, Хызылчар) паза Юлия Кучеренко (сопрано, Санкт-Петербург). Концертте Россияның саблығ музыковедi, кӧг критигi паза чарыдығлығ проекттернiң продюсерi Елена Истратова аралазар. «Чылтыстарның» кӧзiдиин В.Г.Чаптыковтың адынаң Хакас филармониязының симфоническай оркестрi чазир. Аннаң Хакасияның чон артизi, Хакасия искусствозының саблығ деятельi Вячеслав Инкижеков устапча.
Автор :
Марина Грибкова
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
