Тарифтер 1 оттаң ӧспестер
01.07.2026
Хабарлар
Чуртағҷылар хайиина. Хай пiрее СМИ-ларда 1 оттаң сығара коммунальнай полызығларға тарифтер ӧс парар тiп хабарлар сыхханнар. Че сынында кирек андағ нимес
Россияның федеральнай монополиядаң тоғыр службазының (ФАС) искiриинең, чыл сай иртiрiлчеткен коммунальнай полызығларға тарифтернiң индексациязы 2026 чылның 1 чарызынаң иртер. Олох туста алызығларның синi Россияның правительствозынаң кӧрiлген кӧзiдiглердең аспас.
ФАС-та регионнарда алылчатхан тарифтернi сыныхтағда тударлар тiп таныхтапчалар. Сайбағлар алай тарифтерге кӧрiлбеен хорадығларны хосханы iлезiне сығарылза, служба оларны чох идерiнҷе тоғыс апарар.
Таныхтирға кирек, Россияның правительствозы 2025 – 2027 чылларға ЖКХ тарифтерiнiң индексациязының ортымахти кӧзiдiглерiн кӧр салған. Пастап тарифтер пӱӱл 1 оттаң алызарлар тiп чоох полған. Че 2025 чылның кiчiг хырлас айында Россия правительствозының кнезi Михаил Мишустин наа тус паза коммунальнай полызығлар ӱчӱн тӧлегнiң иң пӧзiк индекстерi кӧрiлген постановлениеде хол салыбысхан.
Хакасияа пӱӱл 1 чарыстаң коммунальнай полызығлар ӱчӱн тӧлег иң кӧп 8 процентке ӧзер тiп таныхтал парған. Хазнабыстың регионнары аразында ол иң тӧбiн кӧзiдiглернiң пiрсi полча.
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
