Улуғ кирексiнiснең тузаланча
19.06.2026
Хабарлар
Имнег-психология полызии. Ада чир-суубыс чааҷыларының сӧбiрелерi комитедiнiң (КСВО) имнег-психология полызиин пирерiнҷе пiрге федеральнай чаты «ВКонтакте» социальнай сетьте тоғын сыхты
КСВО-ның ӧнетiн чаа операциязының (СВО) араласчыларына паза оларның сӧбiрелерiне имнег-психология полызиин пирерiнҷе пiрге федеральнай чаты тоғызын «ВКонтакте» социальнай сетьтегi наа пiрiгiсте апарча.
Пӱӱл хандыхтаң сығара СВО араласчылары, чаалазығлар ветераннары паза оларның сӧбiрелерi, iдӧк чаалазығларда чат халған Ада чир-суубыс арачылағҷыларының чағыннары, имнег-психология полызии киректелчетсе, социальнай сетьтегi наа пiрiгiс пастыра ноо даа регионнаң айлан поларлар: https://vk.com/ksvo_mӱdhӱlp.
Полызығ тикке хараа-кӱнӧрте пирiлче, кiзее адын аданмасха даа чарир паза кiзiнiң танығлары киректелбинче.
– Психология полызии удаа кiзее сағамох киректелче. Кiзi ӱрӱгiсте, чочыныста чуртапчатса, стресске кiр парза, чӱрексiп тарыхчатса алай пасха даа сидiк киректе ирееленчетсе, пiске полғанына ла полыс пирерге кирек. Полызығ ноо даа регионның чуртағҷызына хараа-кӱнӧрте пирiлче. Пiссер пос адын аданмин даа айланарға чарир – пiс кiзiдең позынаңар танығларны пiр дее хыспинчабыс. Анзы кӧбiзiне пiске киртiнерге хоза оңдай пирче паза мындағ полызығ кирексiнiснең тузаланча, – таныхтапча Ада чир-суубыс чааҷыларының сӧбiрелерi комитедiнiң устағҷызы Юлия Белехова.
Чатта улуғ опыттығ имнег паза клиническай психологтарның ӧмезi тоғынча. Специалисттер кiзiлерге ӱрӱктiрчеткен, тарыхтырчатхан киректернi паза пасха даа сидiксiнiстернi тобырарға полысчалар.
Пiрге федеральнай чат тоғынып пастааннаң пеер iкi чыл аразына имнег специалисттерi 35 муң азыра айланысча полызығ пиргеннер. Пiрiгiске аймах-пасха регионнардаң 23 муң азыра кiзi хозылған.
– Хайди пiс сизiнчебiс, мындағ полызығның саннығ кӧрiмi улуғ кирексiнiснең тузаланылча. Пic арған сағыснаң тузаланминчабыс: пiстiң чат – ол айланған кiзiнең паза специалистнең тiрiг чоохтазығ. Пӱӱн хорғыс чох поларынҷа кӧстегнең пiс сервистi Россияның «ВКонтакте» платформазында тоғындыр сыххабыс, – чоохтаан чат координаторы, Россияның Халыхтар палатазының кiзiзi, «ЗдравКонтроль» федеральнай проекттiң устағҷызы Евгений Мартынов.
Автор :
Валерия Агафонова
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
