Тун пайрам аймах чоннарны пiрiктiрер
17.06.2026
Хабарлар
Программа. Хандых айының 20-ҷi кӱнiнде 11.00 – 18.00 частарда Асхыс аймаандағы Сағай чазызында «Тун пайрам» республика ӱлӱкӱнi иртер
Пӱӱл кибiрли иртчеткен пайрам Хакас Республиканың 35 чылына, Россиядағы чоннар пiрiкчеткен паза Хакасиядағы чоннар ынархазы чылларына чарыдылча. Регионның чуртағҷыларына паза аалҷыларға 10 аймах ачых тоғынар. Анда концерттер, марығлар, фестивальлар, кӧзiдiглер, хакас чонның ойыннары, устарның кӧзідіглері паза ат чарызы полар.
Ӧӧн ачыхта
11.00 часта ӱлӱкӱн «Халых чон пiрiгiзi» театр кӧзiдиинең пасталар. Анда республиканың пӧзiк устығ паза пос кӧңнiнең тӧстелген ӧмелер аралазар. Iдӧк «Чоннар чарии» Россиядағы чоннарның чайаачы ӧмелерi паза «Чииттернiң кӱстiг кӧңнi» Хакасияның чииттерi концерт кӧзiдерлер. «Айтыс», «Хайджи-нымахчы», «Айран пазы», «Чайлағ» паза «Алтын чазы» республика марығларының чиңiсчiлерiн пуох ачыхта сыйыхтирлар.
«Чайаачы чорых» ачыхта
12.00 – 15.00 частарда Хакасияның театр деятельлерi пiрiгiзiнiң ӱлӱкӱн программазы;
15.00 – 17.00 частарда Хакасияның композиторлар пiрiгiзiнiң пайрамнығ чайаачы программазы.
Эпическай ачыхта
12.00 – 15.00 частарда Хакасияның муниципальнай пӱдiстерi аразында «Чайлағ» республика марии полар. Чарғыҷылар аалҷыларны удурлапчатхан кибiрлернi, хакас ибiҷектернiң чазағлығ кӧрiмiн, род ағазынаң таныстырғанын паза «Алтын столны» паалирлар.
«Хакас чонның ас-тамаа» ачыхта
12.00 – 15.00 частарда «Айран пазы» республика марии полар. Анда иң татхыннығ айранны таллирлар. Пуох ачыхта айранны паза талғанны садызып аларға чарир.
«Чоннарның кибiрлерi – «Хада» Россияның кӱзi» ачыхта
13.00 – 16.00 частарда Хакасияның чайаачы ӧмелерiнiң паза халых пiрiгiстерiнiң ырҷыларының, Россияның регионнарынаң паза хырығ озаринаң килген ырҷыларның концертi полар. Мындох хазнаның регионнарынаң паза пасха хазналардаң килген чоннарның кибiрлерiнең паза культураларынаң таныстырарлар.
«Чон кӧглерi» ачыхта
12.00 – 14.00 частарда хакас чонның кибiрлiг чайаачы фестивальы иртер;
14.00 – 17.00 частарда чайаачы ӧмелер хакас кӧг тирiглерiнең таныстырарлар паза ойнирлар;
15.00 – 16.00 часта ӱлӱкӱн аалҷыларын хакас кӧг тирiглерiнең ойнирға ӱгредерлер.
«Ойын» ачыхта
11.00 – 18.00 частарда олғаннарға аймах чилеңместер тоғынар паза cӧбiрелерге хакас чонның ойыннары иртер.
«Устар аалы» ачыхта
10.00 – 17.00 частарда Хакасияның декоративно-прикладной искусствозының паза чонның хоос узаныстарының устары кӧзiдiг-ярмарка иртiрерлер. Аалҷылар чапсых сувенирлер паза тайға чейлерiн, им оттарын садызып аларлар;
12.30 – 16.00 частарда «Алтын чазы» хакас чонның кип-азаа марии полар. Марығҷылар ӱс номинацияҷа аралазарлар: «Этнографическай кип-азах», «Амғы тустағы кип-азах» паза «Сцена кип-азаа».
«Марығ» ачыхта
12.00 – 18.00 частарда «кӱрес» марығ полар. Андох алып ооллар тас хабарлар, ағас тартызарлар, тобит ойнирлар, охчаадаң атарлар.
«Ат чарызы» ачыхта
12.00 – 15.00 частарда ат чарызы паза «Хыс оғырлааны» хакас чонның ойыны полар, хой хырығарлар.
Автор :
Ольга Кожухова
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
