Нандырығлығ идінҷектерге хабазары ӱзӱрілген
05.06.2026
Хабарлар
Хакасия пазы Валентин Коновалов Россия президентінің Сибирьдегі федеральнай округтағы полномочиеліг кізізі Анатолий Серышевтің устаанынаң ирткен чыылығда араласхан.
Тоғазығда ӱзӱрілген ӧӧн сурығ, ЭКГ-рейтингке тӧстене, нандырығлығ бизнеске хабазарынаң палғалыстығ полған. ЭКГ-рейтинг бизнестің тоғызын паалир тиріг полча. Анда бизнес ӱс кӧстеге – экология, кадрлар, хазна ‒ чарылған 47 кӧзідігҷе паалалча. 2026 чылның азығ айында республиканың Ӧӧркі Чӧбі «Хакасияда нандырығлығ бизнесті тилідердеңер» республика законын алыбысхан. Ол наа системаа право саринаң тӧстег полча. 1 хандыхтаң Хакасия правительствозының постановлениезі кӱзіне кірібіскен, анда идінҷектерге нандырығлығ бизнес субъектінің статузын пирер оңдайлар кӧріл парғаннар. Пӱӱнгі кӱнге республиканың 1410 азыра юридическай лицозы паза идінҷегі пӧзік аттың кирексіністеріне нандырчалар.
Нандырығлығ бизнес ‒ ол сын киректер, турыстығ чал ахчазы, экологиядаңар сағыссырас, городтарның паза аалларның тилізіне хозым. Хакасия правительствозы республиканың предприятиелеріне паза идінҷектеріне хабазар оңдайларны аннаң андар алғыдар тіп таныхтапча В.О. Коновалов.
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
