Санкт-Петербургтағы Чоннар аразындағы экономика форумында Хакасия пазы Валентин Коновалов «РусГидро» ПАО-ның устағ-пастаанаң проекттерні чуртасха хада кирердеңер чӧптезігде хол салыбысхан.

Кӧп чыллар «РусГидро» Хакасия правительствозының ізестіг, нандырығлығ арғызы полча. Республикабысха улуғ компаниянаң  хада-пірге тоғынғаны паза чонға тузалығ проекттерні чуртасха киргені танығлығ полча.

Чӧптезіг хоостыра искіріглернең паза саннарнаң тоғынар кін тӧстелер тіп кӧрілче. Ол республиканың саннығ инфраструктуразын тилідерге полызар, региондағы предприятиелерге паза ӱлгӱ органнарына ниме-нооны табырах санир оңдай пирер.