Хакас чонның ХV съездінің резолюциязы
27.05.2026
Хабарлар
Съезд тоғызында араласхан делегаттар
Хакас чонның республикадағы Улуғлар чӧбі
Ағбан г. 9 хосхар 2026 ч.
Хакас чонның республикадағы Улуғлар чӧбінің ХІV паза ХV съездтер аразындағы тоғызынаңар сан пирізін, ідӧк съезд делегаттарының чоохтарын истіп паза ӱзӱріп, республикадағы Улуғлар чӧбінің паза республикадағы Улуғлар чӧбі президиумының тоғызы ХV съезд делегаттары саринаң чӧпcіністіг тіп паалағ алған.
Республикадағы Улуғлар чӧбі сан пирістіг тоғыс тузында чӧрім уставына тудынған, хакас чонның сӧӧк-родтарына алғым тӧстенген, город-аймахтарның улуғлар чӧптерінең пик палғалыста тоғынған. Хакас Республиканың хазна ӱлгӱзі органнарынаң, орындағы пос устаныстарынаң, халых пірігістерінең хада-пірге тоғыс апарылған сылтаанда ХІV съездтің резолюциязындағы сурығларның кӧбізі пӧгілген. Хакас Республика Правительствозы саринаң оларны пӧгерінҷе «Чол картазы» тӧстелген (Хакас Республика Правительствозының 6 чарыста 2021 чылда алылған 153-п№ чарадии). Ол тоғыстың салтары хакас тілін хайраллирынҷа паза тилідерінҷе алнынзар пілдірте хаалағ полған, ӱгредіг сферазында паза издательство тоғызында чахсы саринзар алызығлар сығысхан. Хакас чонның культуразын, аның кибір-чозахтарын сабландырарынҷа паза хайраллирынҷа тоғыс Хакасияның аймах нациялығ чоннарының чӧптіг чуртазын тыыдарға паза чон чуртазын иптирге полысхан.
Олох туста системалығ килкім сидіксіністер ам даа пар. Олар прай Хакасия чуртағҷыларының, федеральнай паза регионның хазна ӱлгӱзі, ідӧк орындағы пос устаныс органнарының алынҷа хайиин кирексіпчелер.
Иң не пастап Хакасия чуртағҷыларын, улам хакастарны, республикада демография кирее хомайланчатханы сағыссыратча. Орындағы чонның саны хызырылғаны кічіг паза ыраххы аалларнаң, хайда ӧӧнінде хакастар чуртапча, пик палғалыстығ. Тоғыс чох полғаны, хомай чоллар, уйан инфраструктура, школалар чабылчатханы сӧбірелер пала асхынах тӧрет сыхханына, чииттер городтарзар паза республика тастынзар кӧс сыхханына ағылған. Улуғ сағыссырас сығарча чир-чайаан ис-пайы сыныхтағ чох анылчатханы. Ол кирек экологиядағы саайға, ӧзімнер паза аң-хустар чітчеткеніне ағылча.
Чииттер аразында пӧзік чахсы ӱгредіг, профессия аларынҷа, квалификациязын кӧдірерінҷе сидіксіністер ӧсче. Ӱгредіг алып алзалар даа, тоғысха кірерінҷе, экономиканың сын секторларында кирексіністіг полбинчатханынҷа сидіксіністер сығысча. Че ӧӧні – тоғыс чох полғанының «чазыт» ӧзізі. Хазна ӱлгӱзі паза орындағы пос устаныс органнарынзар, организацияларзар паза учреждениелерзер чиит кізілерні албинчатханнарын кӧбізі таныхтапча. Чахсы ӱгредіг паза квалификация алып алған чиит улусха пасха регионнарзар, Москвазар, Санкт-Петербургсар паза хазнаның пасха городтарынзар кӧзерге килісче.
Съезд халых чонның аймах-пасха сфераларында, ол санда СМИ-ларда паза топонимикада, хакас тілі читкіҷе тузаланылбинчатханын таныхтапча. Сӧӧк-родтарда паза сӧбірелерде тӧреен тілні, кибір-чозахтарны хайраллирынҷа паза оларнаң тузаланарынҷа тоғыс уйан апарылча.
Республиканың хазна ӱлгӱзі паза орындағы пос устаныс органнарында, право хайраллаҷаң органнарында хакас чонның кізілері ам даа ас. Хакас Республиканың Москвадағы представительствозында пір хакас таа чоғыл.
Съезд санапча, хакас чонның республикадағы Улуғлар чӧбінің наа пӱдізіне Хакас Республиканың Правительствозынаң паза Ӧӧркі Чӧбінең, федеральнай ӱлгӱ органнарынаң паза орындағы пос устаныс органнарынаң хада хакас чонның тиксі чуртас синін кӧдірерінҷе, хакас тілін, культуразын, кибір-чозахтарын хайраллирынҷа паза тилідерінҷе тоғысты узарадарға кирек. Тӧреен тілні хайраллиры паза тилідері – полған на хакас кізінің пӧгіні. Сӧбіре паза школа пу сурығны пӧгерінде алынҷа орында турчалар. Полған на хакас сӧбіреде палалар тӧреен тілінең чоохтазарға киректер.
Хакас сӧӧк-родтарына, муниципальнай пӱдістернің пастарына, ӱгретчілерге іҷе-пабаларнаң хада, пала 1-ғы классха парчатса, тӧреен тілні ӱгренерін пос кӧңнінең таллир оңдай парынаңар искірігліг-чарыдығлығ тоғысты тӧреміл апарардаңар чӧп пирерге.
Республикадағы Улуғлар чӧбінің кирее:
– хакас чонның посты улуғлир киктезіне тӧстеніп, чииттерні чир-сууна хынарға паза амалын пиктирге ӱгретчең тоғысты сыбыра паза изере апарарға;
– ӧкіс олғаннарны алып алған сӧбірелерні сыйыхтирын узарадарға, ол санда республикадағы Улуғлар чӧбінің «Чыл кізізі» ат пиріп;
– Россия Федерациязының юстиция органнарында санға алылған халых пірігістерінең, чӧрімнерінең, чыындыларынаң, хакас чир-суғҷыларның пірігіcтерінең тоғынҷаң оңдайларны кӧр саларға;
– республикадағы Улуғлар чӧбінің сайтын тӧреміл нааҷылап турарға паза пос тоғызын чарыдарында социальнай сетьтернең ӧткін тузаланарға;
– республиканың тилізіне улуғ хозым иткен паза аның тархынында, культуразында паза экономиказында тирең іс артысхан Хакасияның саблығ кізілерінің аттарын хумартхылирынҷа тоғысты узарадарға;
– Россия Матырының адын хумартхылир кӧстегнең «Матырның адын – школаа» федеральнай проект хоостыра, съездтің адынаң Ағбан городтың 1№ СОШ ӱгретчілері ӧмезінзер паза директоры Л.Б.Огурцовазар школаа Россия Матыры Игорь Ахпашевтің адын пирердеңер айланарға.
Съезд Хакас Республиканың Ӧӧркі Чӧбінзер айланча:
– республикадағы Улуғлар чӧбінең хада «Хакас чонның республикадағы Улуғлар чӧбіне закон сығарҷаң пастағнаң сығар право пирердеңер» Хакас Республика Законын тимнирге, Хакас Республиканың Конституциязынзар килістіре алызығлар киріп. (Амғы туста закон сығарҷаң пастағнаң сығар праволығ субъект хакас чонның съезді полча. Че съезд пис чылда пір хати иртірілчеткені республикадағы Улуғлар чӧбіне пу кӧстегҷе чапчаң тоғынарға оңдай пирбинче);
– закон сығарҷаң пастағнаң Россия Федерациязының Хазна Думазынзар «Россия Федерациязының бюджет системазындағы істеніс ӱчӱн тӧлегдеңер» закон проектінең сығарға, хазна паза муниципальнай бюджет учреждениелері тоғынҷыларына чал ахчазын тӧлеҷең пірге система турғызар чардыхча, тиксі федеральнай пірге тариф сетказына тӧстеніп паза отрасльларның чал ахчазын тӧлеҷең системаларына чарбин;
– Хакас Республиканың Законнарын тимнирге паза аларға: «Хакас Республиканың национальнай спорт кӧрімнерінеңер», «Хакас Республикадағы саблығ кізілерні паза танығлығ киректерні хумартхылирдаңар».
Съезд Хакас Республиканың Правительствозына чӧптер пирче:
– «Хакас Республикадағы бюджет процезінеңер паза бюджеттер аразындағы хайызығлардаңар» Хакас Республиканың 07.12.2004 чылда алылған 93-ЗРХ№ Законынзар алызығлар киріп, Хакас Республиканың муниципальнай пӱдістерінің бюджеттерін оңдайлирына пирҷең дотацияларның синін турғызарына коэффициент санаҷаң методиканы тимнирге, хайзы муниципальнай пӱдістернің чуртас-экономикалығ тилізінің пасхалалчатхан оңдайларын санға алар;
– хазых хайраллаҷаң учреждениелерні нинҷе кізее имнег полызиин пирчеткені хоостыра ахча позыдарына толдыразынаң кирҷең, учреждение ырахта полғанын санға алчатхан кӧдіре коэффициентті ӧскірҷең, штат расписаниезі хоостыра тоғынҷыларның ортымах санына тӧстене чал ахчазы чыындызын тӧстеҷең оңдайларны кӧр саларға;
– Пии аймааның Кічіг Нонып, Хызыл хара суғ, Чаптых, Улуғ Нонып, Кирбі, Ут аалларында ФАП-тар пӱдірерге;
– Таштып аймааның Улуғ Сии, Чоғархы Сии, Ӧлең чазы, Индіркі Мадыр, Аңчул, Чоғархы Таштып, Арбыт аалларына модульлығ ФАП-тар аларға;
– имнег амбулаториялары тураларын пӱдірерге алай модульлығ имнег амбулаторияларын аларға Асхыс аймааның мындағ аалларында: Ӱс чул, Полтах, Пирікчул, Ӧӧк пилтірі, Писхамҷы, Тӧӧ пазы;
– «Асхыс аймааның имнег туразы» ХР ГБУЗ-ына 15 автомобильге кӧрілген гараж пӱдірерге алай модульлығ гараж аларға;
– «Асхыс аймааның имнег туразы» ХР ГБУЗ-ының чуғынҷах ағырығларны имнеҷең пӧлиине тура пӱдірерге алай модульлығ пӱдіріг аларға;
– «Асхыс аймааның имнег туразы» ХР ГБУЗ-ының пала тапчаң туразында тиксі тыхтағ идерге;
– Асхыс аймааның Пилтірдегі участковай имнег туразында тиксі тыхтағ идерге;
– «Асхыс аймааның имнег туразы» ХР ГБУЗ-ының пищеблок туразында тиксі тыхтағ идерге;
– «Таштып аймааның имнег туразы» ХР ГБУЗ-ының тураларында тиксі тыхтағ идерге;
– Хакас Республикадағы сидік чуртас-демография киреен, ол санда орындағы чонның саны пілдірте хызырыл парғанын, ӱгренер паза ӱзӱрер кӧcтегнең республика чуртағҷылары аразында комплекстіг чуртас-демографиялығ паза этнокультуралығ істезіглер иртірерге. Аның соонаң ілезіне сығарылған салтарларнаң тӧстегліг устағ чарадығларын аларында тузаланарға чӧп пирчебіс;
– кічіг комплекттіг школаларның ӱгретчілеріне чал ахчазы чыындызын тӧстир оңдайны алыстырарға (ахчаны ӱгренҷілер саны хоостыра нимес, иртірілген частар хоостыра позыдарға, чарыда чоохтаза, полған на школаа алынҷа хайығ саларға паза чал ахчазын частар хоостыра тӧлирге, олғаннар саны чыл сай хызырылчатханы, кічіг комплекттіг школаларға, тізең, городтардағы паза ааллардағы улуғ школаларнаң конкуренция идерге сидік полчатханы сылтаанда). Амғы туста ол школаларда ӱгретчілер паза полысчылар персоналының саны чарадыға алылған параметрлерге килістіре нимес полча – полысчылар персоналының саны ӱгретчілер санын асча;
– Н.Ф.Катановтың адынаң ХГУ-ның педагогика ӱгредии, информатика паза право колледжінде «9 класс базазында пасталығ класстарда хакас тілін апарар праволығ пасталығ класстардағы ӱгредіг» 44.02.02 специальностьча пасталығ тиксі ӱгредіге ӱгретчілер кадрларын очнай оңдайнаң тимнирін айландырарға;
– Н.Ф.Катановтың адынаң ХГУ-ның педагогика ӱгредии, информатика паза право колледжінде «9 класс базазында школа алнындағы учреждениелерде хакас тілін апарар праволығ школа алнындағы ӱгредіг» 44.02.01 специальностьча специалисттерні очнай оңдайнаң тимнеп пастирға;
– Ағбан городта «Н.Ф.Катановтың адынаң Хакас национальнай гимназия-интернат» ХР ГБОУ-зына 1000 ӱгренҷее кӧрілген наа корпус пӱдір саларға;
– 2027 чылда «Н.Ф.Катановтың адынаң Хакас национальнай гимназия-интернат» ХР ГБОУ туразының хырын паза фасадын тиксі тыхтирға пу адресче: Ағбан г., Крыловтың ор., 35;
– Асхыс аймааның «М.И.Чебодаевтің адынаң Асхыстағы лицей-интернат» МБОШИ-зына наа школа туразын читіре пӱдірібізерге;
– Асхыс аймааның «Асхыс чоғархыдағы СОШ» МБОУ-зына наа школа туразын пӱдірерге;
– Таштып аймааның Таштып аалында чиит улусха кӧп тузалығ культура-ӱгредіг кінін пӱдірерге;
– «Лесоперевалочнай 1№ СОШ» МБОУ, «Лесоперевалочнай 2№ СОШ» МБОУ, «Индіркі Тӧӧдегі СОШ» МБОУ, «Истегі СОШ» МБОУ, «Калининдегі СОШ» МБОУ, «Асхыстағы хоза ӱгредіг кіні» МБУ ДО тураларын тиксі тыхтирға;
– Асхыс аймааның Асхыс («Родничок», «Светлячок»), Полтах, Ӱс чул, Асхыс чоғархы аалларында олған садтарын тиксі тыхтирға;
– Таштып аймааның «Аңчулдағы НОШ» МБОУ, «Чоғархы Таштыптағы СОШ» МБОУ, «Улуғ Сиидегі СОШ» МБОУ-ның филиалы – Чоғархы Сиидегі НОШ, «Пыдырахтағы СОШ» МБОУ, «Ибігдегі СОШ» МБОУ, «Ибігдегі СОШ» МБОУ-ның филиалы – Индіркі Ибігдегі НОШ, «Ибігдегі СОШ» МБОУ-ның филиалы – Чоғархы Ибігдегі НОШ, «Ибігдегі СОШ» МБОУ-ның филиалы – Харойдағы НОШ, «Ибігдегі СОШ» МБОУ-ның филиалы – Пиҷе холдағы НОШ, «Ӧлең чазыдағы ООШ» МБОУ филиалы – Чоғархы Сирдегі НОШ школаларның тураларын тиксі тыхтирға;
– Таштып аймааның «Рябинушка», «Чылтызах», «Солнышко» олған садтарын тиксі тыхтирға паза ибіркі чирлерін иптирге;
– Таштып аймааның Таштып аалында «ПУ-16» ХР ГБПОУ-зының ӱгредіг корпустарын, общежитиезін, чылығ пирҷең сетьтерін тиксі тыхтирға;
– Пии аймааның «Г.Ф.Кышпанаковтың адынаң Куйбышевтегі СОШ» МБОУ-зының туразын тиксі тыхтирға;
– школа музейлері устағҷыларының должность окладтарына 15%-ке хоза тӧлег кир саларға;
– школа, муниципальнай пӱдіс, республика синінде «Тун пайрам» олған ӱлӱкӱннерін иртір турарға;
– «Хакас искусстволар колледжі» ХР ГБПОУ-зында «9 класс базазында тиксі ӱгредіг учреждениелерінде музыка апарар праволығ кӧг тиріглерінең ойнирына ӱгредері (Россия чоннарының национальнай (хакас) кӧг тиріглері кӧрімнерінҷе)» 53.02.03 специальностьча хакас тілін пілчеткен ӱгретчілер кадрларын тимнеп пастирға;
– Ағбан городта А.М.Топановтың адынаң Хакас национальнай драма театры туразын пӱдірерге;
– Таштып аймааның Чоғархы Таштып, Аңчул, Пыдырах аалларында 100 орыннығ СДК тураларын пӱдірерге;
– Орджоникидзе аймааның Копьев аалында аймахтағы культура-тынағ кінін (РДК), Приисковай паза Сыралығ Ӱӱс аалларында СДК тураларын пӱдірерге;
– Асхыс аймааның Палыхтығ суғ паза Казанов аалларында СДК тураларын пӱдірерге;
– Ағбан пилтірі аймааның Московскай аалында СДК туразын пӱдірерге;
– Пии аймааның Кічіг Нонып аалында аал клубы туразын пӱдірерге;
– Таштып аймааның Таштып аалында «А.И.Кыжинаевтің адынаң ТРДК» МБУК, «Таштыптағы музыка школазы» МБУ ДО, «Саяны КДЦ» БУК, «Саяны КДЦ» БУК филиалы – Чоғархы Сирдегі СК, Кічіг Сии паза Чоғархы Сии ааллардағы СДК тураларын тиксі тыхтирға;
– Асхыс аймааның Пуланнығ кӧл, Полтах, Ӱс чул, Калинин аалларында СДК тураларын тиксі тыхтирға;
– Шира аалда аймахтағы Культура туразын тиксі тыхтирға;
– Л.Р.Кызласовтың адынаң Хакас национальнай чир-суғ ӱгренҷең музей хыриндағы чирні хакас национальнай ӱлӱкӱннерні паза культура-кӧп чон мероприятиелерін тӧреміл иртірҷең орын тіп ит саларға, ол орынны, иптеп, хакас национальнай оңдайнаң чазап саларға;
– Хакас Республикада национальнай спорт кӧрімнерін хайраллирынҷа паза тилідерінҷе хазна программазын тимнирге паза аларға;
– Хакас Республиканың физическай культура паза спорт министерствозында национальнай спорт кӧрімнерін хайраллирынҷа паза тилідерінҷе пӧлік тӧстирге;
– Хакас Республиканың физическай культура паза спорт министерствозының ӧӧн спорт мероприятиелерінің календарь планынзар Хакасия чоннарының аалдағы спорт ойыннарын паза Хакас Республиканың Национальнай спорт кӧрімнерінҷе спартакиадазын иртірерін кир саларға;
– Ағбан городта Национальнай спорт кӧрімнері кінін азарына тура пӱдірерге;
–Таштып аймааның Таштып аалында бассейнніг физкультура-хазыхтандырҷаң комплекс, комплекстіг спорт площадказын, хоккей ойнаҷаң орынны пӱдірерге;
– Таштып аймаанда саналығ чылҷаң база (сана-роллер трассазы паза вагоннар) пӱдірерге;
– Таштып аймааның Арбыт аалында универсальнай спорт площадказын паза хоккей ойнаҷаң орын, Пыдырах, Ибіг аалларында мини-футбол чазызын пӱдірерге;
– Таштып аалда В.В.Майнагашевтің адынаң стадионда 3-ҷі теестегі нааҷылағны толдырыбызарға;
– Таштып аймааның Таштып аалында В.В.Майнагашевтің адынаң спорт комплексін тиксі тыхтирға;
– Асхыс аймааның Тӧӧ пазы посёлогында суғ арығлаҷаң пӱдіріглерні тимге сығарарға;
– Орджоникидзе аймааның Приисковай посёлогында суғ арығлаҷаң пӱдіріглерні тимге сығарарға;
– Таштып аймааның Таштып аалында суғ арығлаҷаң пӱдіріглерні тимге сығарарға;
– Орджоникидзе аймааның Копьёв посёлогында суғ пирҷең системаны тиксі тыхтирға;
– Таштып аймааның Таштып аалында чылығ пирҷең системаны тиксі тыхтирға;
– Таштып аймааның Таштып аалында суғ пирҷең системаны тиксі тыхтирға;
– Асхыс аймааның Асхыс станциязынаң сығара Асхыс аалындағы суғ арығлаҷаң пӱдіріглерге теере узуны 5 км полчатхан канализация трубазын алыстырарға;
– Ағбан городта «С.П.Кадышевтің адынаң чон чайаачызының национальнай кіні» ХР ГАУ туразы хыриндағы ачыхты нааҷылирға;
– пос тураларын ӧӧн чылығ пирҷең системаа, ол тоғысты чардыхтарға чарып, хозарға. Чарытхаа тарифтерні хызырып паза (алай) аал-городтарзар газ тартып, чуртағҷыларны паза хоных апарчатхан субъекттерні чарытхынаң чылынарға кіреріне кӧӧктірерге;
– Таштып – Пыдырах автомобиль чолында асфальт саларға;
– Ағбан пилтірі – Чарков – Чорба, Хамыстығ – Чарков автомобиль чолларында асфальт саларға;
– Майрастар – Монастырлар автомобиль чолында асфальт саларға;
– Аршаннар – Куйбышев – Хойбал, Бондарев – Хызыл хара суғ – Улуғ Нонып автомобиль чолларында асфальт саларға;
– Улуғ Сии – Чоғархы Таштып, Сипчул – Мадыр, Индіркі Хурлығас – Ӧлең чазы – Чоғархы Сир автомобиль чолларын тиксі тыхтирға;
– Табат – Киндірліг пилтірі, Асхыс станциязы – Паза Пиизі республиканың автомобиль чоллары чахсы оңдайларда тудыларын хайығда тударға;
– хакас тілін Хакас Республиканың хазна тілін чіли хайраллир паза тилідер кӧстегнең, ол санда хакас тілінің халыхтардағы тузазын, аннаң тузаланар сфераларны алғыдар ӱчӱн, Хакас Республика ученайларының Россияның наука чыындызы хабасхан проекттеріне, ол санда хакас тілін, тархынын паза культуразын істезеріне кӧстелгеннерге, хоза ахча позыдарынҷа обязательстволарны толдырарға;
– Хакас Республиканың «Хакас тілін хайраллиры паза тилідері» хазна программазынаң, хайзы Хакас Республика Правительствозының 08.11.2021 чылдағы 569№ чарадиинаң алылған, ахча позыдып, тиксі нацияларның Интернет-порталының «Тілбесчі» сервизіне орыс тілінең хакас тіліне 500 чоохтағдаң ас нимес тілбестеп саларға паза хакас тілінің электроннай корпузынзар кирерге, чылда хакас тілінең 2-дең ас нимес хакас тілінең мультфильм сығарарға, хакас тілі кабинеттерінің материально-техническай базазын тыыдарға, ол санда лингафон оборудованиезін алып, ідӧк 2023 чылда тимнелген хакас тілі кабинеді брендбугына тӧстене кабинеттерні пір кӧрімніг чазап саларға;
– «Кӱніҷек» паза «Тигір хуры» литература-хоос олған журналларын чылда 2-дең ас нимес сығарарға, амғы тиражтарын хайраллап;
– олғаннарға нымахтарны, олған паза чиит улус литературазын (орыс паза хакас тілінең), алыптығ нымахтарны, ідӧк хакас тілінең мультфильмнерні тӧстиріне чоохтарны чыл сай сығарарға;
– муниципальнай пӱдістернің чирлерінде Хакас Республиканың ікі хазна тілінең тузаланҷаң билингвальнай тіл оңдайын тӧстирін узарадарға: чол танығларын, вывескаларны, орамалар, орыннар паза суғлар аттарын орыс паза хакас тілінең пазарға;
– хакас тілі киреенҷе тӧреміл мониторингті узарадарға;
– хакас тілінең телевидение кӧрер паза радио истер оңдайлығ чуртағҷылар санын ӧскірерге;
– «Хакасия» ГТРК-зындағы хакас тілінең программаларны кӧзідерін пасха туссар чылдырарға, хаҷан кізілер тоғыста ниместер;
– хакас паза орыс тіллерінең сығарылчатхан литератураның качествозын кӧдірер кӧстегнең, «В.М.Торосовтың адынаң Хакас книга издательствозы» ХР ГБУ-зына амғы тусха килістіре полчатхан печать оборудованиезін аларына ахча позыдарға. Кӧзіділген оборудованиені тоғындырарына издательство штадына хоза 3 тоғыс орнын пирерге;
– В.М.Торосовтың «Хакас чонның посты улуғлир киктезі» киндезін хоза сығарарға, мының алнында сығарылған кӧрімде – 1 муңнаң ас нимес экземпляр, чахсыландырылған кӧрімде – 500-тең ас нимес экземпляр;
– хакас сӧӧктерінеңер киндені (хакас фамилияларның тархыны) тимнирге паза сығарарға;
– Хакас Республиканың тилізіне улуғ хозым иткен паза аның тархынында, культуразында паза экономиказында тирең іс артысхан чир-суғҷылардаңар хакас паза орыс тілінең «Чахсы кізілернің чуртазы» серияны тимнирге паза сығарарға;
– Хакасия городтарының паза аалларының архитектуралығ кӧрімінде национальнай колоритнең тузаланарға;
– Ағбан городтағы политика репрессияларына хыйыхтаттырғаннар мемориалын тиксі тыхтирға;
– Ағбан городта Хакас Республиканың Чоннар ынархазы туразын азарға.
Автор :
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
