Хорғыстығ чааның яңылазы – сарыннарда
04.05.2026
Хабарлар
Чӧрiм. Тиксi хазнада «Летопись сердец» Чир- сууна хыныстаңар чӧрiм парча
Пу чӧрiм «Ӱгренҷiлерге культура» культура-ӱгредiгліг проект хоостыра чыл сай иртiрiлче. Пӱӱл ол Илбек Ада чаадаңар саблығ сарын-кӧглерге чарыдылча. Хорғыстығ чылларда кӱстiг сӧстiг ырлар паза махалығ кӧглер чааҷыларға алнынзар ла парарға полысханнар.
Чӧрiмнiң пӧгiнi – ӱгренҷiлернi кӧг искусствозы пастыра пiстiң хазнаның киҷеегi матыр тузын аарлирға ӱгредерi.
«Пiс олғаннарны тiрiг ис-пайнаң танызарға хығырчабыс. Иң аар чылларда сарын-кӧглер миллионар кiзее пик iзенic пиргеннер, фронтты паза тылны пiрiктiргеннер, чааҷыларға кӱс хосханнар, оларның туған-чағыннарының чӱректерiн амыратханнар, Чиңісті чағыннатханнар. Полған на сарында ханнығ чаа харах алнында кӧрiнче. Оларны амғы тӧл истерге, пiлерге кирек», – таныхтаан Россияның культура министрiнің орынызы Жанна Алексеева.
Тиксi Россиядағы ӱгренҷiлер, чайаачы марығда аралазып, кӧг паза теелбек кӧстеглерҷе устарын кӧзiт пирер оңдайлығлар. Аның ӱчӱн мындағ номинацияларҷа тоғыстар тимнеп саларға киректелче: «Чиңiс кӧглерi» – кӧг тириинең Илбек Ада чаадаңар сiлiг кӧг толдыр пирерi (соло, ансамбль, оркестр); «Чиңiс ӱнi» – Илбек Ада чаадаңар сарын ырлап пирерi (соло, ансамбль, хор); «Чаа вальсы» – Илбек Ада чааға чарыдылған теелбек толдыр пирері (соло, ансамбль).
Марығда аралазарға сағынчатханнарға айланыс пiчиин сiлкер айының 27-ҷi кӱнiне теере «Культурадляшкольников.РФ» порталның личнай кабинедiнде артыс саларға.
Россияның саблығ культура паза искусство деятельлерi, эксперттер полып, чӧрiмнiң салтарларынҷа 100 иң артых тоғысты таллап аларлар. Оларның аттарын «Культурадляшкольников.РФ» порталда 30 хандыхта кӧрiп аларға чарир.
«Культура для школьников» проекттi Россияның культура паза просвещение министерстволары, Культура стратегиялары кiнi, РОСКУЛЬТПРОЕКТ паза Россияның культура фонды чуртасха кирiп, аннаң андар апарчалар.
Автор :
Хакасияның культура министерствозы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
