Камчатказар – тикке
28.04.2026
Хабарлар
Марығ. Хакасия чуртағҷыларын, «Тилекей синің холларыңда» ӧнетін проектте аралазып, Камчатказар экотур парарға хығырчалар
«Россия – страна возможностей» президент платформазының «Другое Дело» тиліс программазы «Тилекей синің холларыңда» ӧнетін экология проектінде аралазарға сурыныс пічіктерін алып пастапча. Сурыныс пічіктері 2026 чылның 15 хандығына теере алылча. Ӧнетін проект «Экологическое благополучие» нацпроектке хабазып тимнелген. Хакасия чуртағҷыларының Камчатказар от айында тикке экология чорығына пар килер оңдай пар.
– Пӱӱнгі чииттер экологияны наука чіли істезерінең пасха, аның ӧӧн кӧстеглерін чуртасха кирер кӧңнілері пар. «Тилекей синің холларыңда» – андағ орын: мында пӱдірерге паза пос кӱстенізінің салтарларына кӧрерге, пір сағыс-кӧрістіг кізілернең танызарға чарир. Камчатка – хайхастығ орын. Вулканнарны алай кізі теңмеен арығларны кӧріп, экология пастағларының киректелчеткенін чахсы оңарчазың. Пістің чорыхтарның араласчылары хаҷан даа наа опыттығ паза экология проекттерін тоғындырарынҷа наа сағыстығ айланчалар, – таныхтаан «Россия страна возможностей» президент платформазының саннығ проекттер пӧлиинің устағҷызы Дарья Микаелян.
Алында «Тилекей синің холларыңда» ӧнетін проект Москвадаң, Санкт-Петербургтаң, Индіркі Новгородтаң, Калининградтаң, Екатеринбургтаң, Казаньнаң 350 азыра араласчыны піріктірген. Хада-пірге олар Астрахань, Мурманск, Свердловск, Пенза областьтарында паза Хызылчар крайында пис тонна азыра сӧп-сап чығаннар.
От айында проект араласчылары Камчатказар – Россияның кізі теңмеен чир-чайааннығ регионынзар паза ЮНЕСКО-ның тиксі тилекейдегі чир-чайаан ис-пайы орнынзар – парарлар. Программаның читі кӱні аразына араласчыларны предприятиелерзер экскурсиялар, экологтарның лекциялары, постың экопроекттерін тимнирі, чир-чайаан хайраллалчатхан орыннарзар паза национальнай парктарзар чорыхтар сағыпча. Ідӧк культура программазы кӧрілген. Араласчылар Камчатка крайының чир-чайаанынаң, кибірлерінең паза культуразынаң танызарлар.
Араласчаа позының чир-чайаанны хайраллапчатхан кибірлерінеңер кізі кӧңнін кӧдірчеткен эссе-публикация пас саларға паза Россияның чир-чайаанны хайраллалчатхан орыннарынаңар, экологияа хорғыс чох поларынаңар паза сӧп-сапты хатап сығарысха тузаланарынаңар тест иртібізерге киректелче. Марығ комиссиязы 18-35 частығлар аразынаң 10 чиңісчіні таллап алар. 30 хандыхта оларның аттары ӧнетін проекттің сайтында сығарылар. Чиңісчілер санына кірбееннер аразында хоза сыйыхтар марии иртер: 100 азыра экология сувенирлерінең бокстары паза экологияҷа контент суурарға техника. Сурыныстар ӧнетін проекттің официальнай сайтында алылча: https://clck.ru/3TKRwo .
Марығ чахығларын Россиядағы ӧӧн пірігістернің экологияҷа эксперттері паалирлар: Россияның экология операторының, «Вокруг света» журналның, GRASS компанияның, «Экосистема» чӧрімнің паза пасхазының.
Автор :
Моисей Кондрашин, «Россия – страна возможностей» президент платформазының «Другое Дело» проекттің пресс-секретарьы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
