Инфраструктура тилізі – ӧӧн пӧгін
28.04.2026
Хабарлар
Тоғазығ. Москвазар тоғыс чорығы тузында Хакасия пазы Валентин Коновалов Россия правительствозының кнес орынҷызы Марат Хуснуллиннең тоғас килді
Тоғазығда республиканың чуртас-экономика тилізі паза «Чуртасха инфраструктура» нацпроекттің чуртасха кирілчеткені тирең ӱзӱрілген.
– Хакас Республика регион тилізінҷе тиксі тоғыс апарча, сидіксіністер пар полза даа, хомай нимес салтарлар пар. Чонға кирек инфраструктура проекттері чуртасха кирілче, олар чонның чуртас синін чахсыландырарына кӧстелгеннер, – таныхтаан вице-премьер.
Чӧлегліг город-аалларның тилізінеңер чоох парған. Хакасияда оларның санына 13 город паза аал кирілген. Анда республика чуртағҷыларының 70%-і чуртапча. Олар тиксі регионның ӧзіc орыннары полыбызарлар. «Чуртха инфраструктура» нацпроектче Хакасияда чуртас сині 2030 чылға теере 30%-ке чахсылан парарға кирек, анзы ідӧк хости орыннарға тилирге полызарға кирек.
– Пу улуғ пӧгін, аннаңар аны толдырарынҷа тоғыстарны айныдарға кирек, – теен Марат Хуснуллин.
Город пӱдіріглерін нааҷылаҷаң оңдайларның пірcі – орыннарның тиксі тилізі (КРТ). Хакасияда КРТ санына 24,5 гектарда тӧрт орын кирілген, ікі проект чуртасха киріліп пастабысхан.
– Инфраструктура тилізі – Хакасия правительствозы тоғызының ӧӧн пӧгіннерінің пірсі. «Чуртасха инфраструктура» нацпроектте республиканың араласханы пістің чолларның тилізіне, амғы тусха килістіре чуртас оңдайларын тӧстепчеткен паза коммуникациялар сетьтерін тӧcтиріне улуғ кӧстег полча, – теен республика пазы.
Тоғазығда ідӧк чоллар сурығлары ӱзӱрілгеннер. Кӧзідімге, «Енисей» Р-257 чолның иң тығырам кизегінде чӧрісті чахсыландырар сурығ кӧдірілген. Хакасияда 592 километр чол чӧлегліг, оларның санында 85,54% амғы кирексініcтерге килісче.
Хазна ис-пайын сала тӱзімніг тузаланары, чонны алаахтыр салған пӱдірігҷілердең ӱреге кірген чуртағҷыларға полызары паза пасха нинҷе-де сурығ алынҷа ӱзӱрілген.
Валентин Коновалов чағын палғалыс, республикаа хайии паза, Хакасиянаңар, аның чуртағҷыларынаңар сағыссырап, сығысчатхан сурығларны пӧгерге хабазарға тимненізі ӱчӱн Марат Хуснуллинге алғызын читірген.
Сом М.Ш. Хуснуллиннің пресс-службазыни
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
