Хайдағ кӧп палалығ сӧбiрелер пiрге тӧлег аларлар?
24.04.2026
Хабарлар
Чон хайиина. Кӧп палалығ сӧбірелернің парызы чуртап парыбысчаң иң асхынах синнең 10 проценттең асчатса даа, пірге пособие алар правоны артысчатхан закондағы алызығлар пӱӱл сiлкер айында кӱзіне кiрчелер
Россияның Социальнай фондының (СФР) Хакасияҷа пӧлии ӱс паза аннаң даа кӧп палалығ сӧбірелерге позы тӧлег ит пирер, хайзылары 2026 чылда аны аларын узарадарға айланғаннар, че оларның парызы кӧрілген синнең кӧмес тее асчатханда, тӧлег пирерге чаратпааннар. Сӧбірелерге пособие аларға хатап айланарға кирек чох полар. Алылған чарадығдаңар паба-iҷелерге «Хазна полызығлары» портал пастыра искір пирерлер. Тӧлег регионда палаа турғызылған чуртап парыбысчаң иң асхынах синінің 50 процетінҷе турғызылар, Хакасияда ол 9369 салковайға тиңнелер.
«Хакасияда кізі чуртап парыбысчаң иң асхынах син 19318 салковайға тиңнелче. Сӧбіредегі тоғын полар кізілернің чуртап парыбысчаң иң асхынах ортымах сині пу ахчадаң 10 процентке асчатса даа, законға алызығлар кӱзiне кірібіссе, кӧп палалығ сӧбірелерге пособие алар право артызылар», – таныхтаан СФР-ның Хакасияҷа пӧлиинің устағҷызы Людмила Иванова.
Ам тоғынчатхан правилоларҷа кӧрілген синнең парыс кӧмес тее асчатса, пособие турғызарға чарадылбинча. Андағ оңдай кӧп палалығ сӧбірелерге уғаа хомай теелче, хайзыларына хазна саринаң социальнай полызығ тың кирек. Тӱзедіглер хоостыра, пособие алчатхан туста сӧбіренің парызы ӧс парыбысхан полза, пазағы айланыста сӧбіре тӧлегні хоза пір чылға узарадып алар праволығ полар. Федеральнай законға алызығлар Россия президентінің чахиинҷа кирілгеннер.
Республикада пірге пособие 17 часха читкелек 46309 палаа паза 677 тойлығ ипчее тӧлелче.
Автор :
СФР-ның Хакасияҷа пӧлиинің пресс-службазы
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
