Ӱн пиріс пасталыбысты
21.04.2026
Хабарлар
Пӱӱннең Хакасияда иптелер объекттер ӱчӱн ӱн пиріс пасталыбысты. Ибiркiнi иптiг паза истiг идер программа республикабыста 2019 чылдаң сығара чуртасха кирілче. Пу тусха тиксi 612 орын иптел парған – 233 тура ибiркiзi паза 379 чон чӧрчеткен орын. Тоғыстарға позыдылған ахчаның сині 1 млрд 340 млн салковайға тиңнелче. Хакасияның ӱлгӱзі «Чуртасха инфраструктура» нацпроект хоостыра чонға тынанар, пас чӧрер паза спортнаң айғазар амғы тустағы, истіг, хорғыс ағылбинчатхан орыннарны тӧстирін узарадар тіп таныхталча.
2026 чылның 12 хандығына теере 14 час толдыр салған чуртағҷыларға объекттерні таллирында аралазарға паза, аның кӧрізінең, кӧрімін алыстырарға кирек полчатхан орыннарны таллирға чарир. Полған на кізінің ӱні танығлығ, чуртағҷылар 2027 чылда хайдағ парк, сквер, тура ибіркізі алай спорт ачығы нааҷылаларын постары таллапчалар.
Пӱӱл 14 муниципалитеттегі 51 объект ӱчӱн ӱнні пирерге чарир. Хакасияның пӱдіріг министерствозы искіриинең, «Городтағы осхас истіг оңдайлар тӧстирі» федеральнай программаҷа ӱн пиріске сығарылған объекттернің санына кірчелер:
Абаза городта:
- Лениннің орамазындағы чазағ чӧрҷең орын;
- Станционнай орамадағы сквер.
Ағбан городта:
- Кравченконың паза Итыгиннің орамалары аразындағы Советскай орамадағы чир;
- «Южный» КДЦ хыриндағы Аскизскай орама, 145 адресче ораманың саннығ нимес сариндағы орын;
- «Медвежонок» сквер;
- «Пушкинский» сквер;
- Флотскай орамадағы «Заречный» сквер;
- Молодежнай ор., 15 паза Горнай ор., 14 адресче чурттарның ибіркізі.
Сорығ городта:
- Октябрьға 50 чыл орамадағы городсар кірчеткен чирдегі сквер;
- автомобиль турғызар орыннығ паза чазағ чӧрҷең чолыҷахтығ городтың ачығы (ӀӀ чардығы).
Саяногорск городта:
- Нымырттығ поселокта 66 МКД сығара «Эврика» лицейге теере чазағ чӧрҷең чолыҷах;
- Нымырттығ поселокта «Рабочая» остановкадаң сығара 68 МКД теере пасхыс;
- Нымырттығ поселокта 1 трассадағы 43-44 МКД аразындағы аллея;
- Заводской микрорайондағы сквер (33 МКД паза социальнай арачыланыс департаменті аразында);
- Комсомольскай микрорайондағы 69 № тураның хыриндағы чазағ чӧрчең чолыҷах (Металлургтар орамазынаң пасти КрасноярскГЭСстройның 30 чылы орамазына читіре);
- Ленинградскай микрорайондағы чазағ чӧрҷең чолыҷах (49 № тура паза «Ласточка» олған туразы аразында);
- Заводской микрорайондағы 15-16 МКД хыриндағы сквер;
- Заводской микрорайондағы 17 МКД-даң сунғар аллея, ідӧк анда чарытхы тартылары кӧрілче;
- Ленинградскай микрорайондағы 19 МКД-даң сунғар чазағ чӧрҷең чолыҷах;
- Ӱстӱнзархы микрорайондағы 3 МКД-даң пасти Дорожнай ораманаң сунғар чазағ чӧрҷең чолыҷах;
- Ымай тас поселоктағы Репиннің орамазындағы 128 паза 129 № туралар хыриндағы олған ойнаҷаң ачых;
- Комсомольскай микрорайондағы «Чиполлино» олған сады хыриндағы чазағ чӧрҷең чолыҷах.
Харатас городта:
- Октябрьскай ор., 80 адресче «Хазых чолы»;
- Боградтың орамазындағы парк чирі («Хороший» садығ туразы хыринда);
- Чапаевтің орамазындағы бульвар;
- «Аэродромный» сквер;
- МПС хыриндағы 6 паза 8 туралар аразындағы тынағ сквері.
Асхыс аал чӧбінде:
- Асхыс аалда Школьнай орамадағы 10 № турадаң сығара спорткомплекс хыриндағы чол кисчең орынға читіре тротуарны салары;
- Асхыс аалда Мичуриннің орамазындағы 1А № тура хыринда олған ачығын турғызары;
- Асхыс аалда Чебодаевтің орамазындағы 15 № тура хыринда олған ачығын турғызары;
- Асхыс аалда Солнечнай орамазындағы 31 № тура хыринда олған ачығын турғызары;
- Асхыс аалда Пограничнай орамазындағы 2 № тура хыринда олған ачығын турғызары;
- Асхыс аалда Чебочаковтың переулогындағы 3 № тура хыринда олған ачығын турғызары.
Асхыс поселок чӧбінде:
- скейт-парк;
- Октябрьскай орамадағы 24 № тураның паза олған музыка школазының аразында фонтанны турғызары;
- Мостовой переулокта тротуар салары.
Расцвет аал чӧбінде:
- Тепличнай поселоктағы «Оазис» сквер;
- «Мечта» сквер.
Боград аал чӧбінде:
- «Чиңіс паркы» тынағ паза культура паркы;
- Советскай орамадағы тротуарны иптирі.
Таштып аал чӧбінде:
- Таштып аалда Советскай орамадағы спорт ачығын иптирі;
- Таштып аалда Трудовой орамадағы спорт ачығын иптирі.
Тойым аал чӧбі:
- микрорайондағы 10 № тураның хыриндағы чон чӧрчеткен орынны иптирі;
- микрорайондағы 6 № тураның хыриндағы чон чӧрчеткен орынны иптирі (автомобильлер чӧрҷең орын ‒ 3-ҷі чардығы);
- микрорайондағы 8 № тураның хыриндағы чон чӧрчеткен орынны иптирі.
Шира аал чӧбінде:
- Ширадағы Октябрьскай орамадағы чон чӧрчеткен орынны иптирі;
- Ширадағы Орловскай орамадағы чон чӧрчеткен орынны иптирі.
Кӧк хайа аал чӧбінде:
- скейт-ачыхты иптирі;
- МКД хыриндағы олған ачығын иптирі;
- «Чиңіс» скверін иптирі.
Копьев поселок чӧбінде:
- Лениннің орамазындағы чазағ чӧрҷең чолыҷахта асфальт салары.
Ӱн пирісте хайди аралазарға?
1. zagorodsreda.gosuslugi.ru платформазар кірерге;
2. «Хазна полызығлары. Хада пӧкчебіс» сервис полызиинаң авторизацияны иртібізерге;
3. кӧңніңерге кірген проект ӱчӱн ӱн пирібізерге.
Сірернің ӧткін тудынғаныңар ‒ ол объекттерні олаңай ла таллааны нимес, анзы сірернің кічіг чир-суубыстың таңдағызына сағыссырапчатханыңарны кӧзітче. Ағаа хоза, ӱн пирісте чахсы араласханыңар ибіркіні иптир проекттерге федеральнай ахча хай син пирілеріне кӧнізінең теелче. Хакасияның пӱдіріг министерствозы полған на чуртағҷызар оортахта турбасха, республикабысты сіліг, иптіг идеріне хабас пирерге тіп айланча.
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
