Инвестиция проекттеріне полызығ
17.04.2026
Хабарлар
«Раф Сервис» ООО-ның тегiлек парларын чыы тартчаң орны
Хазна хабазии. Хакасияның инвестиция тилізі агентствозы паза тиліс чыындызы – «Минің пос киреем» кін «Раф Сервис» ООО-ның инвестиция проектін чуртасха кирчеткен орында пол килгеннер
Пу пірігіc Ағбанда тоғынча паза вагоннарны тыхтирынаң айғасча: техника саринаң тоғызын сыныхтапча, тегілек парларын тыхтапча паза вагоннарны таарлаға тимнепче, ол санда чуупча. Предприятие 2011 чылдаң сығара маңнаныстығ тоғынча.
Инвестор, сығарыс тоғызын нииктирге паза тиліс оңдайларын тӧстирге тіп, Хакасияның инвестиция тилізі агентствозынзар хабазығ сурап айланған.
Иң пастап, агентствоның квалификациялығ искіріг хабазии сылтаанда иң не тӱзімніг тиліс кӧcтеглері таныхталған. Ідӧк ахчалығ хабазығ табарынҷа полызығ читірілген: льготалығ алым тартылған, хорадығларның чардығы лизингче айландырылған паза тирігнің чардығын садызарына субсидия алылған.
Тиксі саринаң хабазығ оңдайларынаң тоғысты апарғаны пос киреене cығарыс тоғызын чахсыландырып аларға паза тилирге полысхан.
Чоохтирға кирек, инвестиция проекттерін чуртасха маңнаныстығ кирер ӱчӱн, искіріг хабазии, ахча тартарынҷа хабазығ проект толдыразынаң чуртасха кирілгенҷе читірілче.
Агентство, тізең, компания устағҷызы Игорь Артюшинге хада-пірге тоғыс ӱчӱн паза азых чоохтазығ ӱчӱн алғызын читірген.
Сом авторни
Автор :
Хакасияның тиліс чыындызы – «Минің пос киреем» кін
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
