Пу сыйых – туризм тилізіне хозым иткенін таныхтааны
31.03.2026
Хабарлар
Юлия Исмагилова Роман Ковтунға Аарластығ пічік читірче
Экономика. Хакасияның экономика тилізі министрінің тоғызы федеральнай синде таныхталған
Пу чидігдеңер Хакасия пазының орынҷызы, Хакас Республиканың Москвадағы тӧреміл кізізі Юлия Исмагилова ВКонтакте страницазында искірген.
«25 кӧрікте Хакасия правительствозында тоғысчы тоғазығда Хазна Думазының туризмҷе паза турист инфраструктуразын тилідерінҷе комитедінің кнезі Сангаджи Тарбаевтің адынаң Хакасияның экономика тилізі министрі Роман Ковтунға Аарластығ пічік читіргем. Пу сыйых – пістің республиканың туризм кӱзін тилідеріне ол улуғ хозым иткенін таныхтааны.
Алынҷа чоохтирға кирек, 2020 чылдаң сығара, хаҷан туризм кӧстее экономика тилізі министерствозынзар Роман Ковтунның холына пирілген, сфера ӧткін ӧзіс кӧзіт сыххан. Аның кӱстеністері сылтаанда регион туристтернің хайиин тартчатханын кӧр cыххабыс – республиказар килчеткен туристтер саны ӧсче. Ол тоғыссар инфраструктура тилізі, транспорт чӧрізін чахсыландырары, объекттерні иптирі, регионнаңар федеральнай синде искірері паза инвестициялар кирері кірче.
Тоғыс тиксі оңдайнаң апарылғаны сылтаанда 2020 чылдаң сығара туризм отрасльынзар ахча позыдары 4,2 хати ӧс парған. Тӧлегліг туризм полызығларының сині, туристтер килчеткені паза пу сферадаң бюджетсер кірчеткен налог ахчазы ӧс парған, индустрияда тоғынчатханнар саны толдыразынаң читкіҷе пол парған. Туристтерні чуртатчаң наа орыннар азылған, модульлығ аалҷылар тураларын пӱдіреріне федеральнай илееде ахча кірген. Ідӧк пӧгінде улуғ инвестициялығ проекттер пар.
Роман Викторович аарласнаң паза улуғласнаң тузаланчатханы, аның чуртастағы ӧткін сағыс-кӧрізі паза салтарларда кӧрінчеткен пӧзік узы ол Хакасияа аарлығ кадр полчатханын кӧзітче», – пас салған Юлия Исмагилова.
Сом Хакасия пазы пресс-службазыни
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
