Тоғыста тузалығ полар
25.03.2026
Хабарлар
«Хакасия матырлары». Республиканың ЖКХ министрі паза «Хакасия матырлары» проект араласчызы регионның диспетчер устанызында пол килгеннер
Хакасияның чурт-коммунальнай хоных министрі Максим Виноградов паза «Хакасия матырлары» кадрлар тимнеҷең проект араласчызы Алексей Изместьев «СО ЕЭС» АО филиалы полчатхан Хакасиядағы регионның диспетчер устанызында (РДУ-да) тоғыс хоостыра ааллааннар.
РДУ директоры Евгений Самойлов аалҷыларны диспетчер кінінің тоғызынаң таныстырған – энергосистеманаң устаҷаң технологиянаң, региондағы энергосистеманың чарытхы сетьтері комплексін тилітчең оңдайларнаң. Тоғазығның араласчылары алынҷа хайығны Хакасияның энергосистема субъекттерінең хайызығлар суриина салғаннар.
Министрнің чооғынаң, мындағ тоғазығлар энергетиктернің паза коммунальщиктернің пірге тоғызын тӱзімніг идерге полысчалар. Анзы чылығ пирер тус алнында иң кирек, ол туста службаларның пірге тоғызынаң республика чуртағҷыларының истіг чуртазы улам палғалыстығ.
Мероприятиеде «Хакасия матырлары» программаның – регионға наа устағҷылар тӧлін тӧстиріне кӧстелген чапсых проекттің – кізізі араласчатханы танығлығ полған. Ол программа таңдағы специалисттерге Хакасия экономиказының ӧӧн отрасльларындағы тоғыстың пай опыдын аларға оңдай пирче.
– «Хакасия матырлары» программа регионның ӧӧн предприятиелері тоғызынаң істінең танызып аларға оңдай пирче. Алылған пілістер Хакасияның инфраструктуразын тилідерінҷе мыннаң мындархы тоғыста уғаа тузалығ поларлар, – таныхтаан Алексей Изместьев.
Сом авторни
Автор :
Хакасияның ЖКХ министерствозының пресс-службазы
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
