Халас заводы чабылбасха кирек
24.03.2026
Хабарлар
Ас-тамах сурии. Хакасия правительствозы халас заводын чабарына вето салыбысхан
Республика правительствозы, «алтын акция» адалчатхан правонаң тузаланып, Хакасияда хаҷаннаң тоғынчатхан паза чуртасха кирек полчатхан предприятиені – Ағбан городтың халас заводын («Хлеб» ОАО-ны) чабарына вето салыбысхан.
Предприятие амғы туста частнай холда, Хакасия правительствозының, тізең, «алтын акциязы» пар. Ол ис-пайға теелерге право пирбинче, че хазна кирексіністері хоостыра уставты алыстырарына, реорганизация идеріне паза предприятиені чабарына вето салар оңдай пирче.
Заводтың 100 акциязының ээзі, ідӧк аның ӧӧн директоры Анастасия Кочан полча.
Чағында акционерлер чыылии иртер. Аны хоостыра Хакасияның аал хонии паза ас-тамах министерствозынзар «Хлеб» ОАО-ның директорлар чӧбіндегі Хакас Республиканың кізізі, регионның аал хонии министрінің пастағы орынҷызы Александр Башковтың адына пічік кірген. Чыылығның кӱн суриинда пірігісті чох идердеңер сурығ турча.
2025 чыл тоозылчатханда, «Хлеб» ОАО-ның ӧӧн директоры Анастасия Кочан, ун аларына ахча чидіспинчеткеніне сылтанып, заводтың тоғызын тохтадыбысхан.
Таныхтирға кирек, 2019 чылда андағох кирек полған: завод чабыларына чит килген. Андада республика ӱлгӱлері ара кіріскен сылтаанда ээнең хада сурығның узы-пазына сығып алғаннар.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
