Салтарлар паза пӧгiннер
20.03.2026
Хабарлар
Тоғазығ тузында
Тоғазығ. Хакасия пазы Валентин Коновалов «Россияның iҷелерi» тиксi Россиядағы халых чӧрiмiнiң региондағы пӧлиинің кнезi Татьяна Новакнаң тоғасхан
Пiстiң республикада «Россияның iҷелерi» тиксi Россиядағы халых чӧрiмiнiң региондағы пӧлии 2013 чылда тӧстелген. Ол сӧбiрелернiң, iҷелернiң паза палаларның, ипчiлернiң праволарын арачылир ӱчӱн ӧнетін тӧстелген. Чӧрiм араласчылары узах частығ чуртағҷыларға, ӧнетiн чаа операциязы араласчыларының сӧбiрелерiне паза кинек чуртағҷыларға аймах оңдайларнаң полызарға кӱстенчелер.
– Республикада чӧрiмнiң тоғызы апарылчатханын кӧрчебiс. 2025 чылдағы ӧӧн салтарлардаңар паза 2026 чылға пӧгiннердеңер, хайдағ хабазығ киректелчеткеннеңер чоохтап пирiңер, – теен Валентин Коновалов.
«Россияның iҷелерi» региондағы пӧлiктiң тоғызы чылдаң чылға алғыдылча. Чӧрiм араласчылары полған на сай кӧстеглерiн хосчалар.
– Ирткен чылда пiстiң организация профилактика тоғызына улуғ хайығ салған. Имнелбинчеткен ағырығларға хайығ тартар ӱчӱн аймах проекттер тоғынған. Кӧзiдiмге, Тиксi тилекейдегi рак, чӱрек-тамырлар ағырығларынаң тоғыр кӱрезер кӱннерге паза даа пасха ағырығларға чарыдып, чуртағҷылар аразында профилактика тоғызы иртірілген. Аннаң пасха, пiс 28-ҷi паза 29-ҷы колонияларнаң тоғыс апарчабыс.
Iдӧк ӧнетiн чаа операциязы араласчыларының сӧбiрелерiнең тоғыс апарылча. Пiссер айланғаннарға алынҷа хабазығ пирiлген. «Хакасия матырлары» проектте аралазып, матырларға психология саринаң полызығ пирчебiс. Прай искiрiлген тоғыстарны пӱӱл узарадарбыс. Пу чыл iдӧк ӧнетiн чаа операциязында сағбазы чох чiт парған алай чат халған чааҷыларның ипчiлерiне паза оларның iҷелерiне психолог полызиин пирҷең ӧме тӧстелген. Аннаң пасха, пiс чазы читкелек саарбахтарнаң профилактика тоғызын апарчабыс, – чарытхан Татьяна Валерьевна
Прай сурығлар ӱзӱрiлген соонаң Хакасия пазы Валентин Коновалов Татьяна Новакка тӱзiмнiг тоғыс апарчатхан, чуртаста ӧткiн хайынчатхан паза кiзiлерге хаҷан даа полызарға тимде полчатхан ӱчӱн улуғ алғызын читiрген. Мыннаң мындар Хакасияа паза тиксi хазнаа тузалығ тоғыс толдырарына чахсы чидiглер алғаан.
Сом Дмитрий Сунчугашевти
Автор :
Наталья Тюкпеева
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
