Ӱгредiге хығырчабыс
23.03.2026
Хабарлар
Форум. Хакасиядағы Чайаачылар туразы чиит авторларны 31 кӧрiкте Ағбандағы креатив индустрия школазынзар (Пушкин ор., 28А) тоғазығ-ӱгредiге хығырча. Чиит авторларға, 12 – 35 часха теере, постарының чайаачы тоғыстарын тимнеп саларға кирек
Тоғазығ-ӱгредiг тузында чиит авторларның тоғыстарын (проза паза поэзия) Хакасиядағы Чайаачылар туразының редакторлары, саблығ писательлер ӱзӱрерлер, паалирлар, тузалығ чӧптер пирерлер, опыттарынаң ӱлезерлер. Iдӧк оларнаң олаңай чоох-чаахнаң одырып аларға чарир. Арса, форум соонаң пiреезi, литература саринҷа ӧзiп, улуғ сабланысха чидер.
Анда аралазар ӱчӱн сурыныс пiчиин паза кибелiс-чоохтарны 24 кӧрiкке теере Хакасиядағы Чайаачылар туразының электроннай почтазынзар «Хакасияның чиит литераторлар форумына» танығнаң ызарға кирек: r_talantov@mail.rғ. Айланыс пiчиинде автордаңар толдыра искiрiг поларға кирек: ады, фамилиязы, отчествозы; тол парған чазы; ӱгренчеткен алай тоғынчатхан орны; чуртапчатхан адрезi; телефон номерi; электроннай почта адрезi.
Чайаачы тоғыстың улии – 10 кибелiс алай 10 страницалығ проза. Пiрее сурығлар полза, 8(3902) 225-378 телефонҷа сығдырадарға чарир.
Автор :
Кунчари Плужникова
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
