Ӱзӱрiгде – ветераннарға хабазары
27.02.2026
Хабарлар
Тоғазығ тузында
Тоғазығ. Хакасия пазы Валентин Коновалов СНГ правительстволары пастарының чӧбiндегi чааҷы-интернационалисттер киректерiнҷе комитет кнезi Николай Шубанаң тоғасхан
Тоғазығда iдӧк «Россияның Афганистан паза ӧнетiн чаа операциялары ветераннарының пiрiгiзi» халых пiрiгiзiнiң Хакасияҷа пӧлиинiң кнезi Александр Векшин араласхан.
Олар чааҷы-интернационалисттер киректерiнҷе комитет айғасчатхан кӧстеглерҷе ветераннарға социальнай паза реабилитация хабазиин пирерiнҷе хада-пiрге тоғыс апарарын ӱзӱргеннер.
Валентин Коновалов Николай Михайловичке регионға хайығ айландырчатхан ӱчӱн алғыс сӧстерiн читiрген. Хайди ол таныхтаан, Хакасия правительствозы ветераннарның халых пiрiгiстерiнең тоғысха улуғ хайығ салча, оларнаң хада-пiрге тоғыс сыбыра апарча. Ветераннар чииттернi патриотизмге ӱгредер, ӧнетiн чаа операциязы чааҷыларынаң тоғысха тартылчалар, постарының опыдынаң ӱлесчелер паза амғы чааҷыларға олаңай чуртассар айланарға полысчалар, республиканың паза муниципалитеттернiң мероприятиелерiнде ӧткiн араласчалар.
Хакасия правительствозының амғы ӧӧн пӧгiнi – армияа, СВО араласчыларының сӧбiрелерiне, фронттаң айланған чааҷыларға реабилитация паза социализация иртiрерiне прай саринаң хабазары.
Николай Шуба Хакасия пазын паза правительствозын чааҷыларға киректелчеткен ниме-ноо сыбыра ысчатхан, позыдылған чирлернiң амыр чуртағҷыларына гуманитарнай таарлағ чыыпчатхан, CВО зоназынаң айланчатхан ӧнетiн чаа операциязы ветераннарына хабасчатхан паза чааҷы-интернационалисттернiң чӧрiмiн тыыдарына улуғ хозым итчеткен ӱчӱн алғыстаан.
Сом Хакасия пазының пресс-службазыни
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 23 | 24 | 25 | 26 | 27 | 28 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
