Налог льготалары хайраллалған
13.02.2026
Хабарлар
Нииктелген налог системазынҷа тоғынчатханнарға – тӧбiн налогтар
Экономика. Хакасия правительствозы тимнеен закон проектінде 2025 чылда тоғынған нииктелген налог системазынҷа (УСН-ҷа) тӧбін налог ставкалары прайзы даа артызылғаннар
Іди «парыстар минус хорадығлар» налог саларының оңдайынҷа тоғынчатханнарға ставка 7,5 % синде (Россияның Налог кодексінҷе 15 %) артызылар, «парыстар» налог саларының оңдайынҷа тоғынчатханнарға 4 % полар (Россияның Налог кодексінҷе 6 %). Экономика тоғызының алынҷа кӧрімнерінҷе – аал хонии, ағас хонии, аңниры, палыхтиры паза палых ӧскірері, сӧп-сапты чох идері, орамаларны арығлиры – налог ставкалары 2 % синніг («парыстар» оңдайҷа) паза 5 % синніг («парыстар минус хорадығлар» оңдайҷа) турғызылғаннар.
Ідӧк 2025 чылдағы иң асхынах синніг 1 % («парыстар» налог саларының оңдайынҷа тоғынчатханнарға) паза 5 % («парыстар минус хорадығлар» налог саларының оңдайынҷа тоғынчатханнарға) налог ставкалары артызылчалар мындағ сфераларда тоғынчатханнарға: ниме-ноо сығарчатхан производстволар; социальнай полызығлар пирерінҷе тоғыстар; туризм; ІT сферазы, ӱр нимес тусха чуртирға орыннар пирерінҷе тоғыс.
Пастағызын на санға алылған идінҷектерге, хайзылары производство киреенде, чуртағҷыларға быт полызығларын, ӱр нимес тусха чуртирға орыннар пирерінде, хазых хайраллирында паза пасха даа отрасльларда тоғынчалар, мының алнында турғызылған ікі чыллығ «налог каникуллары» (0 % ставка) 2027 чылға теере хайраллалчалар.
Ам даа пӧгілгелек мының алнында тоғынған тӧбін налог ставкаларынҷа сурығ пазағы налог тӧлепчеткеннерге: социальнай предприятиелер, социальнай кӧстегліг коммерческай нимес пірігістер паза пуруннапчатхан тиліс орыннарының резиденттері. Олар «парыстар» налог саларының оңдайынҷа 1 % паза «парыстар минус хорадығлар» налог саларының оңдайынҷа 5 % иң тӧбін ставкаларҷа налог тӧлеҷеңнер.
Амғы туста юридическай службалар оларға даа тӧбін налог ставкаларын хайраллап алар сурығҷа тоғынчалар.
Коллаж интернеттең
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 23 | 24 | 25 | 26 | 27 | 28 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
