Пірге тоғынарын тӱзімніг апарарға
06.02.2026
Хабарлар
Хакасияның Ӧӧркi Чӧп кнезi Сергей Сокол
Тоғазығ. Хакасия пазы Валентин Коновалов республиканың Ӧӧркі Чӧп кнезі Сергей Соколнаң хада тоғыс сурығларын ӱзӱрген
Тоғысчы тоғазығ ирткенінеңер регион устағҷызы Валентин Коновалов социальнай сетьтердегі паза мессенджерлердегі страницаларында искірген.
«Хакасияның Ӧӧркі Чӧп кнезі Сергей Соколнаң тоғасхам. Республика правительствозының паза парламентінің 2025 чылда пірге тоғызының салтарларын ӱзӱрібіскебіс, пу чылға тоғынҷаң планнарны кӧр cалғабыс паза пасха даа сурығларҷа чоох апарғабыс.
Пістің пірге тоғызыбыстың салтарларынҷа 2026 чылға республика бюджедінеңер закон, ідӧк чуртасха кирек аймах-пасха норматив-право акттары алылғаннар, республиканың 2030 чылға теере Тиліс стратегиязын орталадарынҷа тоғыс тоозылған. Хакасия правительствозының кізілері Ӧӧркі Чӧп комитеттерінің тоғызында ӧткін араласханнар.
Сергей Михайловичнең хада мыннаң мындархы закон сығарҷаң пірге тоғыстың ӧӧн пӧгіннерін кӧрібіскебіс. Пу чылда регионның толдырығлығ паза закон сығарҷаң ӱлгӱлері аразындағы пірге тӱзімніг тоғысты узарадарға чӧптес салғабыс», – пас салған Хакасия пазы Валентин Коновалов.
Сом Хакасия пазының пресс-службазыни
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 23 | 24 | 25 | 26 | 27 | 28 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
