Чатханнаң танысчалар
03.02.2026
Хабарлар
«Хакасия матырлары» проект араласчылары
«Хакасия матырлары» проект. Пу проект араласчылары ӱгредігні узаратчалар, олох туста культураа хайығ салчалар
Ӱр ниместе олар хакастарның кибірліг кӧг тириинең, чатханнаң, ойнирынҷа мастер-класста полып алғаннар. Ӱгредігні Хакасия искусстволарының саблығ деятельі паза республиканың чон узы Сергей Чарков апарған. Амғы туста ол Н.Ф.Катановтың адынаң Хакас хазна университедінің Филология паза искусстволар институдының музыка, декоративно-прикладной искусство паза чонның хоос культуразы кафедразында тоғынча.
Мындағ чайаачы оңдайлығ чоохтазығ проект араласчыларының паза ус кізінің кӧңнілеріне кірген.
– Улуғ иреннернең занятие иртірері – мағаа чахсы, наа опыт. Пістің матырлар чатханға, хайлирына паза наа нимее ӱгренеріне хынып хайғаннар. Оларда дисциплина паза алынҷа кӱс пілдірче, – ӱлескен Сергей Чарков.
Олар команданаң хада ортымахти сидік полчатхан кӧглерні ойнап кӧргеннер, кӧбізі ол пӧгінге сыданған тіп чоохтапча ол.
Таныхтирға кирек, проекттің очнай модульы 5 азыға теере узарадылар. Андар лекциялар, тренингтер паза тоғыстығ ойыннар ла кірбинче, ідӧк пай культура-тынағ программазы пар. Тынағ кӱннерінде проект араласчылары Шушенскайдағы тархын-этнография музей-заповеднигiнде паза Ағбандағы драма театрында пол килгеннер.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
