Хакасияа СВО матырларына поғдархирға чарир
04.02.2026
Хабарлар
Казбек Тайсаевнең Валентин Коновалов
Тоғазығ. Пу кӱннерде Хакасияда Россия Хазна Думазының депутады Казбек Тайсаев тоғынча
Казбек Куцукович Хазна Думазында СНГ, евразийскай интеграция киректерінҷе паза чир-суғҷыларнаң палғалыстарҷа комитет кнезінің пастағы орынҷызы полча. Аның тоғызы ӧнетiн чаа операциязынаң, чааҷыларға гуманитарнай полызығ пирерiнең паза ыырҷыдаң позыдылған орыннарны хатап пӱдiрерiнең палғалыстығ. Ағаа ДНР-ның Істеніс Матыры ат пирiлген.
Киҷее Казбек Тайсаев республика пазы Валентин Коноваловнаң тоғасхан. Олар амғы тустағы ағырсымнығ сурығларны ӱзӱргеннер, ол санда СВО-да араласчатхан паза аннаң айланған чааҷыларға хабазарын. Регион пазы Валентин Коновалов СВО араласчыларына, ветераннарына паза оларның сӧбiрелерiне полысханы Хакасия правительствозының ӧӧн пӧгiнi тiп таныхтаан.
Хазна Думазының депутады Казбек Тайсаев Хакасиязар удаа кил парча. Валентин Коновалов регионға хайығ айландырчатхан, хабасчатхан ӱчӱн ағаа алғызын читiрген паза республикада маңнаныстығ тоғынарға алғаан.
Позының саринаң Казбек Куцукович КПРФ партияның устағ-пастаа адынаң регионға хаҷан даа хабазарын искiрген.
– Сiрернiң ӧмее иң аар туста тоғынарға килiсче: пандемия, ӧнетiн чаа операциязы. Сiрер чуртастың хығыртығларын турыстыра иртчезер. Тоғыстар ӱчӱн улуғ алғыс сiрерге, – айланызында таныхтаан ол.
Аннаң пасха, Казбек Тайсаев СВО араласчыларына паза оларның cӧбiрелерiне полысчатхан ӱчӱн алғызын читiрген.
– Сiрернiң чааҷыларың ӱчӱн алынҷа алғыс сӧстерін читiрчем, хайзыларында пiс фронтта удаа полчабыс. Олар уғаа махачы чааласчалар, постарын турыстыра тудынчалар. Олар пос кiчiг чир-сууның на сын ооллары нимес, пiстiң улуғ Россияның. Сiрерге оларға поғдархирға чарир! – теен Казбек Тайсаев.
Регион пазынаң тоғасхан соонаң Россия Хазна Думазының депутады «Чиңiс» оргкомитеттiң чыылиинда араласхан, хайзын Валентин Коновалов иртiрген. Iдӧк ол «Хакасия матырлары» проект араласчыларынаң тоғасхан. Аның тоғыс планында iдӧк Харатас городтағы объекттерде пол килерi: СВО матырларына чарыдылған хумартхы аллеяда, Совет Союзының Матыры П.А.Рубановтың адынаң 7№ школаның музейiнде.
Iдӧк ДНР-ның Істеніс Матыры Казбек Куцукович волонтерларнаң, БПЛА тимнирiнҷе мастерскойның устағ-пастаанаң, Сибирьдегi федеральнай округтағы Хакасиядағы техническай институттың чааҷы кафедразының cтуденттерiнең, республиканың национальнай диаспораларынаң тоғазар.
Сом r-19.ru cайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 1 |
Кӱн таңмазы
Хакасияда
Россияда
Тилекейде
