Устир узын таптапча
04.02.2026
Хабарлар
Сергей Сагалаков
«Хакасия матырлары». Пу регион проектiнің араласчызы Сергей Сагалаков, профессияҷа хоза ӱгредiг курзын иртiп, хазых хайраллирында устағ тоғызын апарарынҷа кӧстегҷе узын кӧдiрче
Асхыс аймааның ӧӧн имнег туразындағы анестезиолог-реаниматолог Сергей Сагалаков «Хакасия матырлары» кадрлар тимнирiнҷе регионның ӱгредiг проектiнiң араласчызы полча. Амды ол, пу проекттiң пастағы чардығында араласхан соонаң, аның iкiнҷi чардығында профессияҷа хоза ӱгредiгнi иртiп пастабысты. Сергей Сагалаков «Хазых хайраллиры паза чон хазии» курсча Новокузнецктегi имҷiлер узын кӧдiрҷең хазна институдында пiлiзiн алғытча. Ол анда ӱс ай ӱгренер.
Пу проект, «Матырлар тузы» федеральнай проект чiли апарылып, чуртасха кирiл сыхханда, аның араласчызы Сергей Сагалаков Хакасияның хазых хайраллаҷаң министерствозы устағҷыларынаң, ӧӧн имнег учреждениелерiнiң ӧӧн имҷiлерiнең тоғасхан. Салтарында имнег учреждениелерiнең тоғынарынҷа «чол картазы» тимнелген, iдӧк хазых хайраллирында устағ тоғызынҷа хоза ӱгредiг курзын иртче. Ағаа мындағ чолны хайди даа иртерге киректелче, «Хакасия матырлары» проектте аннаң андар аралазар ӱчӱн.
– Проект араласчыларынаң хаҷаннаң таныс полчатханда, проекттiң iкiнҷi модульы ӧткiн, хынығ пасталча. Ӱгретчiлер РАНХиГС-тағы эксперттер полчалар, оларның санында – Хакас хазна университедiнiң экономика, физика, юридическай наукаларның кандидаттары. Анаң хоза алылған прай пiлiстерiмнi позымның тоғызымда тузаланарға кӱстенербiн, – чоохтаан Сергей Сагалаков.
Чоохтирға кирек, «Хакасия матырлары» кадрлар тимнирiнҷе регионның ӱгредiг проектi ӧнетiн чаа операциязы араласчыларына кӧстелче. Ол СВО араласчыларын регионда хазна паза муниципальнай системадағы, пасха даа сфералардағы устағҷыларны тимнирiнҷе пӧгiннең чуртасха кирiлче.
Сом r-19.ru сайттаң
Автор :
Хакасияның хазых хайраллаҷаң министерствозының пресс-службазы
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 1 |
Кӱн таңмазы
Хакасияда
Россияда
Тилекейде
