Шорлар пірігістерiнiң хайиина
30.01.2026
Хабарлар
Марығ. Хакасияның национальнай паза территориальнай политика министерствозы республикадағы шорлар пірігістері аразында экономика саринаң полызығ алар марығ чарлабысхан
Андағ полызығ республикадағы чилегеліг паза ас саннығ чоннарға (шорларға) кибiрліг хоныхты апарарға, культураны, тілнi паза спорттың национальнай кӧрімнерiн хайраллап, тилідеріне пирілче. Марығда аралазар ӱчӱн, кирек пічіктерні Хакасияның национальнай паза территориальнай политика министерствозында 2026 чылның азығ айының 1-ғы кӱнiнең сығара кӧрік айының 3-ҷі кӱніне теере алчалар.
Марығның ӧӧн пӧгіні – Росcиядағы чилегеліг паза ас саннығ чоннарның, ол санда шорларның, кибірліг чуртас оңдайын паза хоныхтарын, хайраллап, тилідеріне полызары.
Марығ ікі номинацияҷа иртірілче:
1) Шорларның хоныхтары хоостыра чир ис-пайының ниме-ноозын теерерi, хайраллиры паза садары полча;
2) Чииттерні, саарбахтарны паза олғаннарны шорларның культуразына, тіліне паза спорттың национальнай кӧрiмнеріне тартары полча.
Марығда аралазар ӱчӱн мындағ пічiктер киректелче:
– марығда аралазардаңар сурыныс пічии;
– пірігіс араласчыларының ады-солазы, пірiгіске кірген тузы, хайда чуртапчатханы паза тӧреен чылы;
– пірігістің пічікке кирiлген пiчиинің хобырғаны;
– нименең айғазар проект паза сметазы.
Иң кӧп балл чыып алған шорлар пірігізi чиңicчее саналар паза проекттерін чуртасха кирерге 150-дең 250 муңа теере салковай алар. Марығ салтарлары 2026 чылның кӧрік айының 14-ҷі кӱніне теере чарлал парарлар.
Марығда аралазар пічіктерні пу адресче алчалар: 655017, Хакас Республика, Ағбан г., Щетинкин ор., 18 алай электроннай оңдайда (РDF-файл алай JРG-файл формадында) электроннай почтазар: minnас@r-19.ru.
Светлана Астанаева
Сом Хакасияның национальнай паза территориальнай политика министерствозының ВКонтакте социальнай сетьтегі страницазынаң алылған
Автор :
Светлана Астанаева
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 1 |
Кӱн таңмазы
Хакасияда
Россияда
Тилекейде
