Экономиканы паза финанстарны ӱгренiп пастабыстылар
28.01.2026
Хабарлар
«Хакасия матырлары» проект араласчылары
«Хакасия матырлары» проект. Республикада пу проект араласчылары ӱгредiгнiң iкiнҷi чардығына кiрiбiстiлер
Ӱгредiг программазында тиксi тӧрт модуль. Пастағызын СВО араласчылары иртiбiскеннер. Амды олар экономика паза финанстар киреенең палғалыстығ кӧстеглернi ӱгренiп пастирлар. Ӱр ниместе РАНХиГС хазна устаныс Пӧзiк школазының эксперттерi программа араласчыларына паза оларның ӱгредiг кӧстегҷiлерiне пастағы лекция иртiргеннер.
«Хакасия матырлары» региондағы проект «Матырлар тузы» федеральнай проекттiң аналогы полча. Ол хазна президентi Владимир Путиннiң пастаанынаң чуртасха кирiлче. Ол чаалазығларда араласхан ветераннарның реабилитациязына, оларға профессиональнай ӱгредiг паза хабазығ пирерiне, iдӧк регионға кадрлар тимнирiне кӧстеглiг.
СВО ветераннары ирткен чылда кӱскӱзiн ӱгренiп пастааннар. Пастағы модульда олар хазна политиказынҷа паза хазна устанызынҷа лекциялар искеннер. Аның соонаң полғаны ла профильi хоостыра республиканың хазна учреждениелерiнде стажировка ирткен.
Мыннаң мындар СВО ветераннары программаның пасха модульларын ӱгренерлер. Олар региондағы паза муниципальнай устанысха паза амғы технологиялар менеджментiне чарыдыларлар. Соонаң, тiзең, олар выпускной тоғыстарын арачылирына сығарлар. Ӱгредiгнi тооссалар, проект араласчыларына хазна органнарында паза компанияларында тоғынар оңдай азылар. Пастағы потоктың ӱгредии пӱӱл орғах айында тоозылар.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 1 |
Кӱн таңмазы
Хакасияда
Россияда
Тилекейде
