Чир-чайаанны хайраллир сурығнаң айғасча
23.01.2026
Хабарлар
"Хакасияның матырлары" республиканың кадрлар проектінің араласчызы Вадим Чернов Хакасияның чир-чайаан министерствозының экология пӧлиинең тоғасхан. Тоғазығда министерствоның 2025 чылда апарған тоғызының ӧӧн салтарларын ӱзӱргеннер.
Вадим Михайлович сӧп-сапты чыырынаң паза киині хайраллирынаң палғалыстығ кирек социальнай кӧстеглерні тирең істезіп пастапча.
2026 чылда министерство "Арығ кии" федеральнай проектте араласчатхан городтарнаң хада-пірге 1,4 муң азыра чуртта наа хазан-пестер турғызарға пӧгінче.
Хакасияның чир-чайаан министрі Владимир Лебедев киині, ибіркіні кірлепчеткен объекттерні ілезіне сығарар паза оларны санға турғызар тоғысха уламох кӧп хайығ саларға кирек тіп таныхтапча.
Чир-чайаанға ӱрег иткен ӱчӱн тӧлегні чыылған ӱрег объекттерін чох идеріне позыдарға чарир. Пӱӱнгі кӱнде Хакасияда андағ 4 объект саналча.
Сӧп-сапты чыыр тоғысты алза, мында муниципальнай пӱдістердең чидіспинчеткен сӧп-сапты чыыр орыннарны тимнир паза бактарны хоза алар тоғысты айныда апарарға кирек. Сӧп-сапты чыыр полызығ чахсы синде пирілзе, анзы чуртағҷыларға истіг чуртас оңдайларын тӧстир. Алынҷа хайығны сӧп-сапты хаптарға чыыпчатхан муниципальнай пӱдістерге саларға кирек.
Таныхтирға кирек, Хакасияның чир-чайаан министерствозында "Хакасияның матырлары" программаның ікі араласчызы стажировка иртче. Проекттің ӧӧн пӧгіні ‒ пілістері паза опыттары республиканың тилізіне хозым ағылзын тіп, СВО араласчыларына тоғынар оңдайлар пирері.
Автор :
Хакасияның чир-чайаан министерствозының пресс-службазы
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 1 |
Кӱн таңмазы
Хакасияда
Россияда
Тилекейде
