Аал хонии программазын тимнирiнде аралазар
21.01.2026
Хабарлар
Алексей Веселков
«Хакасия матырлары» проект. Россияның тирiглiг кӱстерiнең идiлген чӧптезiгнiң тузы тоозылған соонаң «Хакасия матырлары» проекттiң араласчызы Алексей Веселков тоғыс чолын агропромышленнай комплекснең палғалыстырарға пӧгiнiбiскен
Ирткен чылда кӱскӱзiн ол, Хакасияның аал хонии паза ас-тамах министерствозының комиссиязына кiрiп, федеральнай субсидиялар паза гранттар алған кресен (фермер) хоныхтары хайди чуртап парчатханынаң танысхан.
Ӱгредии хоостыра Алексей Веселков – агроном. 1999 чылда ол Хызылчардағы аграрнай университеттi тоосхан, iкiнҷi пӧзiк ӱгредиин 2016 чылда Новосибирсктегi экономика паза устаныс хазна университедiнде «Юриспруденция» специальностьча алған.
– Алексей Николаевич Хакасияның агропромышленнай комплексiнiң пӱдiзiнең хынып танысча, ол отрасльның чахсы специализi пол полар, – таныхтаан СВО ветеранының кӧстегҷiзi, Хакасияның аал хонии паза ас-тамах министрiнiң пастағы орынҷызы Александр Башков. – Амды проект араласчызына паза пiр хаалағ иртерге кирек – амғы тустағы агротехнологияларнаң танызары. 2025 чылда ХГУ-ның аал хонии колледжінде ирткен семинарда, чил полып алай суғ ағып, чирнің кӱзі чітчеткеніне чарыдылған сурығ аның хайиин тартхан. Ученайлар пу сидiксiнiстi пастап прай саринаң ӱзӱрген полғаннар, амды олар фермерлерге паза аал хонии предприятиелерiне чуртаста тузаланар чӧптернi тимнепчелер.
Аал хониин апарчатхан чирлернi хайраллир тоғысты аал хонии сурығларынаң айғасчатхан наука-істезігліг институтта апарчалар. Аның ӧмезiне iдӧк Алексей Веселков кирiлген.
Чӧптернi тимнирiн пӱӱл тоозыбызарға пӧгiнчелер, анаң олар брошюрада сығарыларлар.
Сом r-19.ru сайттаң
Автор :
Хакасияның аал хонии паза ас-тамах министерствозының пресс-службазы
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 1 |
Кӱн таңмазы
Хакасияда
Россияда
Тилекейде
