Сағыбаан саайлар полбаан
03.01.2026
Хабарлар
Чыылығ. Хакасия пазы Валентин Коновалов наа чыл ӱлӱкӱннері хайди ирткен сурығҷа чыылығ иртірген
Хайди искірген Хакасияның ГО, ЧС паза ПБ хазна комитедінің кнезі Владимир Карамашев, ӱлӱкӱннерде Хакасияда сағыбаан саайлар полбаан. Республикада 19 ӧрт ӱзірілген, хомзынысха, оларда 2 кізі ӱреен: Солнечнай аалда - ипчі, Кічіг Арбыт аалда - ирен. Амды чоннаң чарыдығлығ тоғыс апарылча, должностьтағы кізілер дежурстводалар, прай техника паза тоғынҷылар тимделер.
Хакасияның ЖКХ паза энергетика министрі Максим Виноградовтың чооғынаң, Харатаста соох суғ пирҷең сетьтерде 2 сайбағ таныхталған, пірсі табырах тыхталған, ікінҷізінде тоғыс узарадылча. Энергетикада сайбағ чох полған.
Боградтағы котельнайда хара тас 5 кӱнге чидер, Тӧӧ пазында - 4 кӱнге. Хара тас кӱннің сай тартылча, чӧптезіглер иділік, ахча позыдылған.
Чуртағҷылардаң хоптар кірбеен. Прай киректер сыныхтағда тудылчалар.
- Мылтых ӱлӱкӱніне тимде полыңар, суға кірер орыннарда саайлар полбазын. Хомзынысха, ікі кізі чідір салғабыс. Боградтағы котельнайны сыныхтағда тудыңар. Прай ӧнетін службалар сыбыра пӧзік тимненісте ползыннар, - теен Хакасия пазы Валентин Коновалов.
Автор :
Николай Султреков
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
