"Ӱгредіг" нацпроект школаларны пӱдірерге паза нааҷылирға полысча
27.12.2025
Хабарлар
Наа чыл алнында Хакасияның культура министрі Светлана Окольникова Таштып аймаандағы Харағай паары аалзар кічіг чуртағҷыларға тадылығ сыйыхтар сыйлирға чӧрген.
Ӱлӱкӱн алнындағы тоғазығлар чахсы кибірге айлан парғаннар - Хакасияның культура министерствозы 13 чыл изере пу кічіг аалға полысча. Таныхтирға кирек, килчеткен чылда регион пазы Валентин Коноваловтың чахиинаң орындағы Культура туразында тиксі тыхтағ тоғыстары парар.
- Чыл сай Харағай паарында палалар саны хозылча, аалзар чииттер кӧсчеткені ӧріндірче. Хакасияның хайхастығ орны аннаң андар тилізін, ӧңнензін тіп алғапчам. Ол республикаа илбек культура деятельлерін Георгий Челбораковты, Евдокия Кильчичакованы, Нина Идимешеваны паза пасха даа саблығ кізілерні сыйлап пирген.
Чағдапчатхан Ат чылы чахсы киректерге паза наа чидіглерге пай полар тіп ізенчебіс, - алғыстаан Хакасияның культура министрі Светлана Окольникова.
Харағай паары аалның кічіг чуртағҷылары министрнің холынаң тадылығ сыйыхтар алғаннар. Оларны республиканың культура министерствозының, В.Г.Чаптыковтың адынаң Хакас филармониязының, А.М.Топановтың адынаң Хакас драма театрының, Республиканың методическай кінінің, «Читiген» театрның паза С.П.Кадышевтің адынаң чон чайаачызы кінінің тоғынҷылары тимнееннер.
Чылығ тоғазығда Хакас филармонияның "Кӱн сузы" теелбек ӧмезінің артисттері, регионның культура министерствозының Чииттер чӧбінің кізілері Хусхун Торбастаевнең Айго Мандаржап, Соох апсахнаң Хар хызыҷах полып, олғаннарға Наа чыл алнындағы ӧріністі сыйлааннар.
Сом Хакасияның культура министерствозы пресс-службазыни
Автор :
Аскар Артамонов
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
