Ӧӧркі Чӧпте стажировка иртчелер
19.12.2025
Хабарлар
«Хакасия матырлары» проект. Ӧнетін чаа операциязының араласчылары Виталий Шкробко паза Евгений Еранцев Хакасияның Ӧӧркі Чӧп аппарады устағҷызынаң паза комитеттері кнестерінең тоғасханнар
«Хакасия матырлары» кадрлар тимнеҷең республика проектінің пастағы ӱгредіг чардығында Евгений Еранцев паза Виталий Шкробко закон сығарҷаң тоғысты таллап алғаннар. Парламент комитеттері паза аппарады тоғызынаң тирең танысхан соонаң олар практиканы пастирлар – региондағы кирексіністерні санға алып, закон сығарҷаң пастағларны тимнирлер. Прай ӱгредіг чардыхтарын ирткен соонаң тоғыстарын арачылирлар. Опыттығ кӧcтегҷілер – парламент депутаттары Александр Пащенконың паза Анастасия Кочергинаның полызиинаң Евгений паза Виталий закон проектін тимнир тоғыснаң толдыразынаң танысчалар.
Кӧстеглерні олар пос опыдын паза республика чуртағҷыларының сағыс-кӧрізін санға алып таллап алғаннар. Хазнаның хырығларын арачылапчатхан матырлар пӱӱн андағох кӱснең тоғысты пастапчалар, сын проекттерінең сыхчалар.
Евгений паза Виталий таныхтапчалар:
– Хакасияда СВО араласчыларына реабилитация иртчең пірге кін тӧстирге кирек.
Ідӧк олар патриотизм темазынҷа хоза ӱгредіг кластерлерін тимнирге киректелче тіп санапчалар.
Чоохтирға кирек, «Матырлар тузы» программа Россия Федерациязы президентінің пастаанҷа чуртасха кирілче. Ол ӧнетін чаа операциязы тузында посты чахсы кӧзіткен кізілерні хазнаның халых паза политика чуртазында ӧткін араластырарына кӧстегліг. «Хакасия матырлары» – аның региондағы аналогы.
Автор :
Хакасияның Ӧӧркі Чӧбінің хабарлар пӧлии
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
