Ӱзӱрігде – хара тас сурии
12.12.2025
Хабарлар
«РЖД» ОАО-ның ӧӧн директоры Олег Белозёров паза Хакасия пазы Валентин Коновалов тоғазығ тузында
Тоғазығ. Хакасия правительствозы, хара тас аныпчатхан кӧстеге хабазып, федеральнай кіннең паза Россияның тимір чолларынаң тиксі тоғысты узаратча
Хакасия пазы Валентин Коновалов 10 улуғ хырласта Москвада теестегі тоғыс чорығында «РЖД» ОАО-ның ӧӧн директоры Олег Белозеровнаң тоғасхан. Хакасиядаң хара тасты сығара тартары тоғазығның ӧӧн сурии полыбысхан.
Республика правительствозы хара тас кӧcтеенің тӱзімніг тоғызын хайраллап халар пӧгіннең сыбыра федеральнай кіннең паза Россияның тимір чолларынаң тоғыс апарча. Пу кӧстег регион экономиказының ӧӧннерінің санына кірче: Хакасиядаң ызылчатхан таарлағның 90 азыра %-і – хара тас.
– Хара тас суриин пӧгерінең республиканың нинҷе-де город-аалының чуртазы паза тилізі, предприятиелерде тоғыс орыннарын хайраллап халары паза регион бюджедінзер налогтар кірері палғалыстығ, – алынҷа хайығ айландырған Валентин Коновалов.
Устағҷылар ідӧк пассажирлернi тартарынҷа, Хакасияда Россияның тимір чолларының тоғызынҷа, тимір чол пӱдіріглерінде хорғыс чох поларынҷа паза компанияның региондағы тоғызына теелчеткен пасха сурығларны ӱзӱргеннер.
Хакасия пазы Валентин Коновалов, тӱзімніг чоохтазығ, республикаа хабазарға кӱстенчеткен паза хайығ салчатхан ӱчӱн, «РЖД» ОАО-ның ӧӧн директоры Олег Белозеровха алғызын читірген.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
