Иркутсктағыларнаң тоғасхан
10.12.2025
Хабарлар
Игорь Арчимаев иркутсктағыларнаң тоғасхан туста
«Хакасия матырлары» проект. Игорь Арчимаев «Приангарья матырлары» программа араласчыларынаң тоғасхан
Чааҷы имҷiзi, Асхыс аймааның ӧӧн имнег туразының тоғынҷызы, «Хакасия матырлары» проекттiң араласчызы Игорь Арчимаев сағам Иркутскта. Ол хазна имнег университедiнде «Хазых хайраллирын тӧстирi» хоза ӱгредiг курстарында ӱгренче. Iдӧк Игорь Арчимаев халых чуртаста ӧткiн араласча, ол санда пасха даа регионнарда.
Танығлығ мероприятиелернiң пiрсi – Иркутск округының оң сариндағы администрациязында «Приангарья матырлары» программаның араласчыларынаң тоғазии. Тоғазығ программа кураторынаң хада ирткен. Иркутск облазы правительствозының халыхтар палғалызынҷа паза Иркутск облазы пазының устаныс пастығы Ольга Куриленкова тоғазығда араласхан.
– Пiстiң регионнарда программа иртiрiлчеткенi хоостыра опытнаң ӱлескеннер. Кӧзiдiмге, Иркутсктағы коллегаларның iкiнҷi модульы тоозылған. Программада 35 кiзi араласча, резервте хоза 39 кiзi. Пiчiктер, тiзең, 1000-наң артых пирiлген, – сағыс-кӧрiзiнең ӱлескен Игорь Арчимаев.
«Хакасия матырлары» – ӧнетiн чаа операциязының араласчыларына республиканың кадрлар проектi. Ол региондағы хазна системазында паза пос устаныс управлениелерiнде паза пасха даа сфераларда iстенҷең турыстығ устағҷылар ӧмезiн ӧнетiн чаа операциязы ветераннарының паза араласчыларының аразында тимнирiнҷе тӧстелген. Республика проектi Россия президентi В.В.Путиннiң чахиинаң «Матырлар тузы» федеральнай программаа тӧӧй полча.
Автор :
Хазых хайраллаҷаң министерствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
