Хара тас отрасльының кирее
10.12.2025
Хабарлар
Тоғазығ тузында
Тоғыс чорығы. Хакасия пазы Валентин Коновалов Москвазар тоғыс чорығынаң чӧрген туста Россияның энергетика министрі Сергей Цивилёвнаң тоғасхан
Тоғазығда регионның топливо-энергетика комплексінің тоғызы ӱзӱрілген. Алынҷа хайығ республиканың хара тас отрасльындағы киреене, хара тас аныпчатхан предприятиелер хайди тоғынчатханына салылған. Пӱӱнгі сидіксіністерні паза федеральнай кіннің оларны пӧгерінҷе хабазығ оңдайларын ӱзӱрібіскеннер.
– Хара тас промышленнозы Хакасияның экономиказына даа, тиксі хазнаның экономиказына даа уғаа кирек. Ол чир алтындағы ис-пайны олаңай аниры ла нимес, ол кізілернің ӱлӱстері, уғаа кӧп тоғыс орны, кӧп сӧбіренің пик чуртазы паза палғалыстығ отрасльларның тилізіне кӱстіг импульс. Аның ізестіг тилізінең кізілернің, предприятиелернің паза республиканың чахсы чуртазы палғалыстығ, – таныхтаан Валентин Коновалов.
Валентин Коновалов ідӧк республикада чылығ пирҷең тус хайди иртчеткеннеңер паза чурт-коммунальнай хоныхты нааҷылир тоғыстардаңар искір пирген. Чарытхыны ізестіг пирер сурыға улуғ хайығ салылған. Хайди таныхтаан Хакасия пазы, ол регионның чуртас-экономика тилізіне уғаа кирек сурығ. Алынҷа чоох парған чарытхы сетьтері комплексін ізестіг идеріне кӧстегліг улуғ программаны чуртасха кирердеңер. Ол программа Хакасияда чағдапчатхан 2026 чылдаң сығара тоғынып пастабызар.
Валентин Коновалов Сергей Цивилёвха республикаа хайығ салчатханы ӱчӱн, регионның чуртазына кирек сурығларны пӧгерінде хабасчатханы ӱчӱн алғызын читірген.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
