Проект – улуғ тузалығ, уғаа кирек
05.12.2025
Хабарлар
Проект араласчызы Игорь Арчимаев
Хакасия матырлары. СВО чирінде 15 муң артиинаң операция иткен чааҷы имҷі, Асхыс аймаандағы имнег туразының тоғынҷызы Игорь Арчимаев «Хакасия матырлары» проектте араласчатханынаңар сағыс-кӧрізінең ӱлескен
Россия президенті В.В.Путиннің пастаа хоостыра чуртасха кирілген «Матырлар тузы» федеральнай программаа тӧӧй полчатхан республика проектінің тоғызы тузында Игорь Арчимаев Хакасияның хазых хайраллаҷаң министрі тоғызын толдырчатхан Наталья Аверинанаң, Г.Я.Ремишевскаяның адынаң республикадағы клиникалығ имнег туразының паза Ағбандағы аймахтар аразындағы клиникалығ имнег туразының устағҷылары Максим Максимовнаң паза Александр Стреленконаң тоғасхан.
Аның салтары имнег учреждениелерінең тоғынарынҷа «чол картазы» паза ідӧк «Хазых хайраллирын тимнирі» профессияҷа хати ӱгредіг алҷаң курста ӱгренері пол парған. Ол «Хакасия матырлары» проектте аралазарын узарадарына хайди даа толдырҷаң кирексініс. Таныхтирға кирек, Игорь Арчимаев Иркутсктағы хазна имнег университедінде ӱгренче.
– Диплом паза сертификат алған соонаң, ол кирек, тізең, 2026 чылның кӱрген айы тоозылчатса полар, мыннаң мындархы тоғысты пастирға чарир полар. Хати ӱгредіг иртібіссем, Хакасияның хазых хайраллаҷаң министерствозы холында полған имнег учреждениелері устағҷыларынаң тоғазығлар узарадылар. Піс «Хакасия матырлары» проект хоостыра пірге тоғызыбысты узарадарбыс, мыннаң мындар хайдағ хаалағлар идерін кӧрербіс, – чарытхан Игорь Арчимаев.
Амғы туста «Хакасия матырлары» проекттің араласчызы ӧткін халых тоғызын узаратча: ол пациенттерні имнепче, ідӧк СВО чирінең айлан килген паза республика чирінде имнег полызиин кирексіпчеткен оолларға чӧптер пирерге хаҷан даа тимде.
– Проект тоғызы тузына Хакасияның хазых хайраллаҷаң министерствозындағы паза имнег организацияларындағы кураторларнаң пірге тоғынары тимнелген. Полған на кӱн наа опыт паза пілістер пирче. Кӧзідімге, мин имнег учреждениелерінің тоғызын тимнирінҷе кӧп ниме піліп алғам, – чоохтаан Игорь Арчимаев.
«Хакасия матырлары» проектті тиксі алза, Игорь Арчимаев ол проект улуғ тузалығ, уғаа кирек паза тузында полчатханын таныхтапча.
– Ол тоғыстың салтары проекттің араласчыларына, хайзыларына профессияҷа ӧзерге паза таңдағызында турыстығ чуртирға оңдай пирілче, ідӧк кӧстегҷілерге, хайзылары пос опыдынаң паза піліcтерінең ӱлесчелер, туза ағылар, – хосхан Игорь Арчимаев.
Сом r-19.ru сайттаң
Автор :
Хакасияның хазых хайраллаҷаң министерствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
