Законда хол салылған
05.12.2025
Хабарлар
Ӱлгӱ. Хакасия пазы паза чарғы Ӧӧркі Чӧпті федеральнай законодательство нормаларын толдырарға кӱстеп алғаннар
Хакасияның Ӧӧркі Чӧбі Россия Федерациязының Бюджет кодексін, конституциядағы ӱлгӱлерні чарар паза удур-тӧдір палғалыстығ нимес полар оңдайны сайбапчатхан законны пір чыл мының алнында, 2024 чыл тоозылчатханда, алыбысхан. Ол муниципальнай чиновниктерге чон ахчазын сыныхтағ чох хорадарға, постың чал ахчазын ӧскірерге, финанстар дисциплиназын сайбирға оңдай пирген, чуртағҷыларның ӱлгӱ институттарына киртінізін сайбаан.
Хакасия пазы Валентин Коновалов законда хол салбин салған паза конституциядағы правозынаң тузаланған, ол законға вето салып. 2025 чылның сілкер айында парламент ветоны тобырып алған. Регион пазының чахиинҷа республика правительствозы ол закон федеральнай бюджет законодательствозына килістіре полчатханын алай полбинчатханын чарғыда сыныхтирға пастағнаң сыххан.
Чарғыдағы ӱзӱріглер соонаң 2025 чылның чарыс айында Пизінҷі апелляция чарғызы чоннаң тоғыр полған законның кӱзін тохтадыбысхан, ол право хыйыстыра полча тіп чарадығ алып.
– Муниципалитеттернің финанс дисциплиназы законодательство хоостыра толдырығлығ ӱлгӱ органнарының сыныхтаанда поларға кирек. Піс муниципалитеттерзер ахча ысчабыс – аннаңар олар хайди хорадылчатханын сыныхтир оңдайлығ поларға кирекпіс. Федеральнай нормалар андағ, бюджеттер аразындағы хайызығлардаңар законның халғанҷы кӧрімінде олар санға алылғаннар. Мин Конституцияда турғызылған тус аразына законда хол салыбысхам. Амды пу киректе точка турғыс саларға чарир тіп санапчам, – сағыс-кӧрізінең ӱлескен Валентин Коновалов.
Хол салар алнында ол пічік регион правительствозының профильліг министерстволарында киректелчеткен экспертизаны иртібіскен.
Законның халғанҷы редакциязында Хакасия пазының пастағы сағыс-кӧрізі толдырылған, республика устағҷызының паза правительствозының сарин алған Пизінҷі апелляция чарғызының чарадии санға алылған.
Депутаттар алған закон Хакасия правительствозына правозынаң тузаланар оңдай пирче, ол санда муниципалитеттерде финанстар дисциплиназын сайбааннарны нандырыға тартарынҷа. Аның алнында ол, федеральнай законодательство нормаларын сайбап, толдырығлығ ӱлгӱнің ахча хорадиин сыныхтағда тудар полномочиелерін хызыра пасхан.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
