МФЦ тоғызы кӧзiдiлген
28.11.2025
Хабарлар
«Хакасия матырлары» проект. Пу проекттiң араласчызы Евгений Воронков республиканың МФЦ тоғызынаң танысхан
Стажировка иртчеткенi хоостыра «Хакасия матырлары» региондағы проекттiң араласчызы Евгений Воронков Ағбандағы «Мои документы» кiнде полған. Анда ол региондағы «Мои документы» кiннер устағҷыларынаң тоғысчы чыылиинда араласхан паза учреждение тоғызының ӧӧн кӧстеглерiнең танысхан.
Чыылығда алынҷа хайығ салылған Хакасияның МФЦ пӧлiктерiнде ӧнетiн чаа операциязы араласчыларына паза оларның сӧбiрелерiне хабазар сурығларға. Евгений Воронков пу кирек социальнай пастағны ӱзӱрерiнде ӧткiн араласхан.
Iдӧк стажёрға айдас сервистiң тоғызын кӧзiткеннер – «Криптобиокабина» программнай комплекснең тузаланып, наа загранпаспорттарын тимнепчеткенiн паза пирчеткенiн. Анда iдӧк МФЦ-ның амғы саннығ сервистерi кӧзiдiлгеннер, ол санда тузаланҷаң секторны, хайзында кiзiлер ӧнетiн оборудование полызиинаң электроннай полызығларны постары ал поларлар.
Алынҷа хайығ тартхан «МАХ платформада саннығ МФЦ» сервис кирiлчеткенiнiң ӱзӱрии. Ол проект хоостыра Хакасияда чат-бот тӧстелген, хайзы «хазна полызығларынзар» кiрер оңдайны нииктепче паза палғалыс тутчаң кiннiң тоғызын хызырча.
Ағбандағы кiн устағҷызынаң чоохтазығда Евгений Воронков МФЦ-ның кадрлар суриин, специалисттернiң чал ахчазының синiн паза республикада саннығ сервистернi тилiдерiн ӱзӱрген.
– Республикада МФЦ тоғызынаң танызып, мин чонға хазна полызығлары хайди пирiлчеткенiн пiлiп алғам. Улам полызығлар саннығ пирiлчеткенi чонға аннаң тузаланарын нииктепче, – таныхтаан Евгений Воронков.
Автор :
Александра Султрекова
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 1 |
Кӱн таңмазы
Хакасияда
Россияда
Тилекейде
