Новосибирск ӱчӱн ӱн пирiңер
27.11.2025
Хабарлар
Россияда «Культураның ӧӧн городы-2027» атха улуғ марығ парча.
Ол 2023 чылда хазнаның регионнарының культуразын, туризмiн паза чуртас-экономиказын тилiдер ӱчӱн чуртасха кирiлген.
Пӱӱл анда аралазарға 26 городтаң айланыс кiрген. Новосибирск, сигiс город-финалист санына кiр парып, пастағы орын ӱчӱн Челябинскнең марығласча. Сибирьдегi улуғ городтың ӱчӱн 300 муң азыра кiзi ӱн пирiбiскен. Чиңiстi тут халар ӱчӱн прай хонҷых регионнарның полызии кирек. Чуртағҷыларға улуғ хырлас айының 6-ҷы кӱнiне теере «Хазна полызығлары» порталда ӱн пирҷең оңдай пар.
Новосибирскте Россияның иң улуғ театры орныхча. Iдӧк анда театр институды паза 15 профессиональнай театр пар. Ағаа хоза, пу городта улуғ библиотека, филармония, консерватория паза хоос музейi тоғынча. Новосибирск марығда утып алза, аның культуразы улам тилир паза туристтернiң хайиин тартар.
Автор :
Татьяна Тютюбеева
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
