Махачы чир-суғҷыбыс
19.11.2025
Хабарлар
Игорь Арчимаев
Поғдархас. Москвадағы Малый театрда «Россия чоннарының ассамблеязы» халых-хазна организациязының «Нацияның поғдархазы» тиксi Россия синiндегi VI премиязының чиңiсчiлерiн таныхтааннар
Пӧзiк сыйыхтарның чиңiсчiлерiне хазнаның 27 ӧткiн чуртағҷызы сығып алған. Олар премияларны аларға 21 регионнаң чыылысханнар.
«Прайзына пiр» номинацияда Хакасиядаң араласхан чир-суғҷыбыс, чааҷы-хирург Игорь Александрович Арчимаев лауреат пол парған. Андар аны «Россия чоннарының ассамблеязы» тиксi Россиядағы халых-хазна организацияның Хакасиядағы пӧлии сығарған.
«Прайзына пiр» номинация Ада чир-суубыс арачылағҷызы чылына паза Илбек Чиңiстiң 80 чылына чарыдылған.
Игорь Александрович ӧнетiн чаа операциязы парчатхан орында 27 ай изере 8000 операция иртiрген. Аның ӱчӱн махачы чир-суғҷыбыс Махачыланыс орденiнең таныхтатхан. Пӧзiк сыйыхтары аразында Луганск Чон Республиказының, региондағы чуртағҷыларға имнег полызиин пирген ӱчӱн, медальы парох.
Пастап акушер-гинеколог полған имҷi пӱӱнгi кӱнде УЗИ специализi, уролог, тамырлар хирургы, хирург-травматолог полча. Ол Асхыс аймаандағы имнег туразында iстенче. Ағаа хоза, андар полызығ соонҷа паза операция иртiрерге хазнаның пасха даа регионнарынаң СВО ветераннары айланчалар. Махачы оол «Хакасия матырлары» региондағы программада араласча. Пiс Игорь Александрович Арчимаевке поғдархапчабыс!
Сом Любовь Аёшинаның «ВКонтакте» социальнай сетьтегi страницазынаң
Автор :
Любовь Аёшина
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
