Вадим Чернов экология министерствозында стажировка иртче
14.11.2025
Хабарлар
«Хакасия матырлары» проект. Республика программазының араласчызы Вадим Чернов Хакасияның чир-чайаан ис-пайы паза экология министерствозында стажировка иртерiн узаратча
Ол министерство, ведомстволығ учреждениелер тоғызының ӧӧн кӧстеглерiнең танысча. Пу кӱннерде «Тiрiг чир-чайаан кiнi» республиканың хазна бюджет учреждениезiнiң директоры Андрей Кондратьев, Вадим Михайловичке Ағбандағы зоопаркча экскурсия иртiрiп, инфраструктураны, аңнарны тудар оңдайларны чахсыландырарынаңар чоохтап пирген. Анда СВО араласчызы Хызыл книгаа кiрчеткен хай пiрее аң-хусты кӧрiп алған, хайзылары Хакас Республиканың Хызыл книганың ӱзiнҷi сығарызына кирiл парарлар.
– Пӱӱн минiң зоопарк тоғызынаңар кӧрiзiм алыс парған. Мының алнында зоопарк аңнарны кӧзiдерiнең не айғасча тiп сағынғам. Че тiрiг чир-чайаан кiнi iдӧк арам учарапчатхан паза чiт париған аңнарны ӧскiрерiнең паза хайраллирынаң айғасча, аймах программаларда араласча, – сағызынаң ӱлескен Вадим Чернов.
Стажировка тузында «Хакасия матырлары» проект араласчызы министерствоның ведомстволығ iкi учреждение тоғызынаң танызып алған – «Инженер арачыланыс устанызы» паза «Хазна экология сыныхтаа паза ибiркi чир-чайаанны хайраллаҷаң республика кiнi» Хакас Республиканың хазна бюджет учреждениелерiнең.
Пӱӱл Хакасияның правительствозы «Хакасияның матырлары» устағ тоғынҷыларын тимнирiнҷе программаны чуртасха кир сыххан. Ол «Матырлар тузы» федеральнай программаа тӧӧй, хайзы Россия президентi Владимир Путиннiң чахиинҷа чуртасха кирiлче.
Проекттiң пӧгiнi – ӧнетiн чаа операциязы араласчыларының паза ветераннарының санынаң республиканың хазна паза муниципальнай устанызында устағҷылар ӧмезiн тӧстирi.
Сом Хакасияның чир-чайаан ис-пайы паза экология министерствозының пресс-службазыни
Автор :
Хакасияның чир-чайаан ис-пайы паза экология министерствозының пресс-службазы
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
