Ӱгредіг пӧзік синде иртче
07.11.2025
Хабарлар
«Хакасия матырлары» проект. «Хакасия матырлары» программа араласчызы Цырен Димчиков Хакасияның юстиция министерствозының тоғызынаң танызарын узаратча
Амғы туста стажернаң ЗАГС департаментінің специалисттері пілістерінең ӱлесчелер. Ирткен неделяда Цырен Дамбаевич гражданиннің акттарын хазнаның санға турғызарында право оңдайларынаң паза чоннар аразындағы право полызиин читірерінең танысхан, чуртағҷыларның айланыстарына нандырығлар проекттерін тимнеен. Чағынғы туста ол ЗАГС-тың пірге хазна реестрінің федеральнай искіріг системазынаң танызар, ідӧк ол кізінің искіриин арачылирынҷа паза тоғынарынҷа практикалығ кӧнігістер алар.
СВО ветераны Хакасияның юстиция министерствозында ікінҷі айы стажировка иртче. Пу тусха ол мировой чарғыҷыларның тоғызын тӧстирінҷе, хазна правозы паза право сайбағларының профилактиказында тоғысты иптирінҷе департаменттернің тоғызынаң танызып алған.
Цырен Дамбаевич Хакасияның юстиция министерствозында стажировка иртерін тиктең не таллап албаан. Ол пу ведомствоның тоғызынаң таныс паза ол ағаа чағын. Алында СВО ветераны кӧп чыл істіндегі киректер министерствозында тоғынған, ол тынағдағы/отставкадағы полиция майоры полча.
– «Хакасия матырлары» программада араласчатхан сылтаанда Ада чир-суубысха аннаң андар служить полар оңдай пар, че хазна служащайы орнында. Ӱгредіг тузында мин толдырығлығ ӱлгӱ органнарының тоғызынаңар паза оңдайларынаңар толдыра кӧріс пирчеткен пілістерні алчам. Ӱгредіг пӧзік синде тимнелген. Стажировка кӧрілгені тузалығ. Ол алған пілістерні практикада пиктирге, опыт алынарға, хайди прай ниме тӧстелгенін артых оңарарға полысча, – ӱлесче Цырен Димчиков.
Автор :
Виктория Айснер
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
