Валентин Коновалов: «Ол закон чоннаң тоғыр полған»
24.10.2025
Хабарлар
Кӱн сурии. Пизінҷі аппеляция чарғызы Хакасия пазы вето салған бюджет процезiнеңер законның кӱзін тохтадыбысхан. Аннаңар Валентин Коновалов телеграм-каналында искірген
«Чарғы мин вето салған закон право саринаң хыйыстыра полғанынаң чарас салған. 21 сілкерде Ӧӧркі Чӧп, депутаттарның кӧбізі ӱн пирген сылтаанда, мин салған ветоны тобырып алған, бюджет процезiнеңер паза бюджеттер аразындағы хайызығлардаңар закон проектін чарадыға алыбысхан.
Ол закон муниципальнай чиновниктерге чон ахчазынаң сыныхтағ чох тузаланарға, постарына чал ахчазын ӧскірерге, финанс дисциплиназын сайбирға оңдай пирген, чуртағҷыларның ӱлгӱ институттарына киртінізін сайбаан.
Минің пастаам хоостыра республика правительствозы ол закон федеральнай бюджет законодательствозына килістіре полчатханын алай полбинчатханын чарғы сыныхтаан иртірген.
Пизінҷі аппеляция чарғызы бюджет процезiнеңер паза бюджеттер аразындағы хайызығлардаңар законзар Хакасияның Ӧӧркі Чӧбі кирген алызығларның тоғызын тохтатхан.
Анзы чоннаң тоғыр закон официально тохтадылғанын таныхтапча», – пас салған Хакасия пазы телеграм-каналында.
Ӧӧркі Чӧп кнезі Сергей Сокол Новосибирсктегі чарғының бюджеттер аразындағы хайызығлардаңар законҷа чарадығ алғаны хоостыра сағыс-кӧрізін ідӧк искірген
Сергей Сокол: «Алызығлар закон хыйыстыра полған тіп чоохтанарға ирте»
«Ӧӧркі Чӧп «Хакас Республикадағы бюджет процезiнеңер паза бюджеттер аразындағы хайызығлардаңар» 93-ЗРХ№ законзар кирген алызығлар закон хыйыстыра полчатханынаңар чоохтанарға орта нимес паза ирте. Сылтағлығ чарғы актын сахтап аларға кирек.
Олох туста таныхтирға кирек, тиксі юрисдикцияның Пизінҷі аппеляция чарғызы пастағы инстанция чарғызының пастағы абзацча чарадиин на тохтат салған, пасхазынҷа чарадығны алызығлар чох артыс салған.
Аннаң пасха, Ӧӧркі Чӧптің ӱстӱнде турчатхан чарғы инстанциязынзар айланар правозы пар. Пу киректе ол тиксі юрисдикцияның Алтынҷы аппеляция чарғызы полар», – искірген Ӧӧркі Чӧп кнезі телеграм-каналында.
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
