Экономика тилізі министрі "Хакасияның Матырлары" араласчызынаң тоғасхан
24.10.2025
Хабарлар
Пӱӱн Хакасияның экономика тилізі министрі Роман Ковтун "Хакасияның Матырлары" регион проекті араласчызы Кирилл Вячеславовичнең тоғасхан.
Тоғазығ тузында Роман Викторович проект араласчызынаң чоохтасхан, министерство пӱдізінеңер паза тоғызының ӧӧн кӧстеглерінеңер, ведомство хабазиинаң чуртасха кирілген ӧӧн проекттердеңер искір пирген.
Чоохтазығ тузында туризм тилізі департаментінің тоғызына паза пу отрасль тӧстелгеніне улуғ хайығ салылған.
Экономика тилізі министрі орынҷызы Ольга Кузьмина проект араласчызына аннаңар алғыда чарыт пирген.
- Пістің республиканың пай тархынын паза кибірліг культуразын аарлапчам, аннаңар "Хакасияның Матырлары" проектте аралазарына "туризм" кӧстегні таллап алғам. Пу отрасль хайди тиліпчеткенін паза туризмге хабазарынҷа, аны тилідерінҷе хаалағлар хайди чуртасха кирілчеткенін пілерге мағаа хынығ пілдірче. Аймах регионнарда поларынҷа опыдым пар, пістің субъекттің опыдын кӧріп аларға сағынчам, - теен Кирилл Вячеславович.
- Хакасияның социальнай паза экономика тиліс оңдайларында туризм ӧӧн отрасль чіли таныхталча. Ирткен чыллардағы пістің тоғызыбыстың салтарын чахсы сизінчебіс паза сірер пу кирекнең айғазарға сағынчатханнарың ӱчӱн ӧрінчебіс. Хада-пірге тӱзімніг тоғынарбыс тіп ізенчем паза сірердең наа чӧптер, сағыстар сағыпчабыс, - нандырған министр.
Кирилл Вячеславовичнең чоохтазып алған соонда, департаментче экскурсия иртірілген, хайда аны туризм тилізі паза туризм киреендегі проекттерні чуртасха кирерінҷе пӧліктернің тоғынҷыларынаң таныстыр салғаннар.
Аннаң пасха, Хакасияның Матыры министерствоның ведомстволығ учреждениезінде (Турист искірігліг кінінде) пол килген, хайзында устағҷынаң паза тоғысчы ӧменең чоохтазып алған.
Пу чағында Кирилл Вячеславович Хакасияның экономика тилізі министерствозынаң хада туризм киреендегі мероприятиелерде пол килер.
"Хакасияның Матырлары" - СВО ветераннарына паза араласчыларына кадрлар программазы, "Матырлар тузы" федеральнай проектіне тӧӧй, хайзы Россия Федерациязы президенті Владимир Путиннің чахиинҷа чуртасха кирілче. Аның пӧгіні - ӧнетін чаа операциязы паза ветераннары санынаң хазна паза муниципальнай ӱлгӱ органнарында устағҷылар тимнирі.
Сом r-19.ru сайттаң
Автор :
Тимнеен Оксана Челтыгмашева
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
