Хакас чирiнде аймах чонның ойыннары полар
26.10.2025
Хабарлар
Программа. Ағбан городта 29 чарыстаң сығара 2 кiчiг хырласха теере «ЧитiгенФест» чоннар аразындағы II фестиваль иртер
29 чарыста
11.30 часта – фестивальның пайрамни азылғаны. «Читiген» театрның пайзаң ибi.
14.00 часта – «Валентина» (12+) ойын, А.Вампиловтың «Прошлым летом в Чулимске» пьесазынҷа режиссёр К.Чаптыков турғысхан, «Читiген» театрның кӧрiгҷiлер залы.
Спектакльда арығ чӱректiг хыстаңар чоохталча. Ол, хайдағ даа аар-чӱктерге урунза, чарых чуртасха, чахсы кiзiлер парына киртiнче. Ойын хакас тiлiнең парча, орыс тiлiне синхроннай тiлбестег идiлче.
19.00 часта – «Илегилек» (12+) ойын, С.Раевтiң пьесазынҷа режиссёр У.Карыпбаев турғысхан. Спектакльны Хырғыс Республикадаң Ш.Термечиковтың адынаң Чуйскай областьтың драма паза сатира театры ағылча.
Ойында кiзiлернiң паза арған сағыстың удур-тӧдiр теелiзiн iлезiне сығарар ӱчӱн, iстезiглер хайди иртiрiлчеткеннеңер чоохталча. Орыс тiлiне синхроннай тiлбестег полар.
Спектакльны С.П.Кадышевтiң адынаң чон чайаачызының национальнай кiнiнiң кӧрiгҷiлер залында кӧзiдерлер.
30 чарыста
14.00 часта – «Слово за слово» (18+) ойын, Александр де Ла Пательернiң паза Матьё Делапорттың «Имя» пьесазы хоостыра режиссер А.Пашнин турғысхан. Спектакльны Хызылчар городтаң Андрей Пашниннiң «Отдельный театры» ағылча.
Истiг иир, столда татхыннығ чиис, хызыл араға... Андағ-мындағ хомай ниме полбаадаға тӧӧй, че ойын пазындағы чоох-чаах прай иирнi алыстырыбысча.
Спектакльны «Читiген» театрның кӧрiгҷiлер залында кӧзiдерлер.
17.00 часта – «Три истории» (16+) ойын, М.Горькийнiң «Старуха Изергиль» чооғы хоостыра режиссёр Б.Колаев турғысхан. Аны Ағбандағы М.Ю.Лермонтовтың адынаң Орыс академическай драма театры кӧзiтче.
Спектакль кiзi чӱреенде «хайнапчатхан» оңарылыстаңар, тирең сағысха тӱскеннеңер, кiзiлер пiр тиңни чуртабинчатханнаңар чарытча.
Ойын М.Ю.Лермонтовтың адынаң Орыс академическай драма театрының наа сценазында полар.
19.00 часта – «ЧелоВЕК» (12+) ойын, А.Чеховтың «Скрипка Ротшильда» чооғы хоостыра режиссёр Ю.Рысюкова турғысхан. Спектакльны Ағбандағы Л.Г.Устиновтың адынаң «Нымах» кӧклӧ театры тимнеен.
Ойын-пiлiнгенi, ойын-харахнаң чарып парғаны, ойын-сығарынғаны...
Спектакльны Л.Г.Устиновтың адынаң «Нымах» кӧклӧ театрының ӧӧн сценазында кӧзiдерлер.
31 чарыста
14.00 часта – «Солнышко ты мое ясное» (12+) ойын, режиссёр С.Лобастова, Шарыпов городтың драма театры.
Спектакль СВО-да чуртастарын пир салған оолларның туған-чағыннарының паза нанҷыларының сын полған чоохтары хоостыра тимнелген.
Ойынны «Читiген» театрның кӧрiгҷiлер залында кӧзiдерлер.
19.00 часта – «Записки сумасшедшего» (18+) ойын, Н.Гоголь, режиссёр Д.Адыкенов. Спектакльны Казахстан Республикадаң С.Мукановтың адынаң кӧг-драма театры ағылча. Анда кiзiнiң тирең сағызынзар чорыхтаңар чоохталча. Орыс тiлiне синхроннай тiлбестег полар.
Ойынны «Читiген» театрның кӧрiгҷiлер залында кӧзiдерлер.
1 кiчiг хырласта
15.00 часта – «Телеграмма» (12+) ойын, аны К.Паустовскийнiң пьесазынҷа режиссёр М.Недугова турғысхан, Сергиев Посад городтағы «Театральный ковчег в Дубраве» драма театры.
Спектакльда чалғыс кiзiнiң чуртазынаңар, чағын туғаннарның кирек халбинчатханынаңар паза чағбан чӱректiг кiзiлернiң чылығ хайиинаңар кӧзiдiлче.
Ойынны М.Ю.Лермонтовтың адынаң Орыс академическай драма театрының наа сценазында кӧзiдерлер.
17.00 часта – «Чайлағ» (12+) ойын, С.Ермолаевтiң пьесазынҷа режиссёр С.Потапов турғысхан, «Читiген» Хакас национальнай драма паза кӧг театры.
Тӧреен-ӧскен чир-суунзар хомайға айланғаны... Орыс тiлiне синхроннай тiлбестег полар.
Спектакльны «Читiген» театрның кӧрiгҷiлер залында кӧзiдерлер.
2 кічiг хырласта
12.00 часта – «Подарок судьбы» (12+) ойын, Н.Птушкинаның пьесазынҷа режиссер А.Чупин турғысхан. Спектакльны Тағлығ Алтайдаң П.В.Кучияктың адынаң Национальный драма театры ағылча.
Ойында кiзiнiң сағыс-кӧрiзiнең тоғыр парчатхан часкадаңар кӧзiдiлче. Ол «Читiген» театрның кӧрiгҷiлер залында полар.
16.00 часта – «ЧитiгенФест» фестивальның пайрамни чабылғаны, «Читiген» театрның кӧрiгҷiлер залы.
Автор :
Тимнеен Татьяна Тютюбеева
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
