Хакасия сидіксіністері федеральнай синде пӧгілче
24.10.2025
Хабарлар
Николай Шульгиновнаң Юлия Исмагилова
Тоғазығ. Хакасия пазы Валентин Коноваловтың чахиинҷа регионның Москвадағы тӧреміл кізізі, республика пазының орынҷызы Юлия Исмагилова Россияның Хазна Думазының депутады, энергетикаҷа комитедінің кнезі Николай Шульгиновнаң тоғасхан
Пу тоғазығның сылтаа регионның бюджетче сидіксіністерін пӧгерінҷе паза инвестиция проекттерін чуртасха киреріне оңдайлар тӧстирінҷе пірге чарадығлар тимниріне кирексініс полған.
Чӧптезіглер тузында республика бюджедінің сурығлары паза Хакасияның 2025 – 2030 чылларға пос алынҷа тиліс программазы ӱзӱрілген. Сарилар республиканың парыстары налог ахчазы читкіҷе кірбеен сылтаанда тӱс парғанын таныхтааннар. Салтарында пастағы теестегі паза социальнай кирексіністіг пӧгіннерні толдырарынҷа ӱзӱрлес пол парған. Ахча киреен оңдайлирынҷа тоғыс апарылған: бюджет тӱзеділген, ӱлгӱ органнарының административнай хорадығлары 10 процентке хызырылған, штады – 5 процентке, касса планнарынҷа Россияның финанстар министерствозынаң ай сай чӧптес турардаңар 2024 – 2027 чылларға план, хайдар пастағы теестегі хорадығлар ла кирілген, чарадыға алылған. Регион ідӧк федеральнай полызығның чардығын алып алған паза регион алымының чардығын хати кӧрібіссіннер тіп чӧптеп алған. Олох туста ол хабазығлар сағам читкіҷе нимес полғаны таныхталған.
Юлия Исмагилова Николай Шульгиновха «Хакас технология ойымы» алынҷа экономикалығ орын проектінеңер чоохтап пирген паза резиденттер пастағы чардыхта тоғынып пастабызарына республикаа кӱстіг чарытхы инфраструктуразы киректелчеткенін таныхтаан. Олох туста чарытхы сетьтеріне хорадығлар чарытхы пирчеткен компанияларның инвестициялығ программаларына кирілбезе, проектті чуртасха кирерге сидік полар. Юлия Исмагилова энергетикаҷа комитеттің кнезін ол хорадығларны чарытхы пирчеткен компанияларның инвестиция программаларынзар кирерінҷе полыс пирерге паза республиканың федеральнай министерстволарынзар инфраструктураа ахча пирер сурығларҷа айланызына хабазарға сурынған. Ідӧк регионға республиканың пос парыстары тӱсчеткеніне компенсация пирер федеральнай дотацияны ӧскірібізер сурығҷа полызығ киректелче.
Паза пу тоғазығда республика алымнарын хызырар сурығҷа полызығ пирҷең оңдай ӱзӱрілген. Николай Шульгинов тӱзімніг чӧптер пирген. Тоғазығ араласчылары салтарлар хоостыра мындағ чӧптезіглерні апарарын узарадарға чӧптес салғаннар. Регионның, энергетикаҷа комитеттің паза чарытхы пирчеткен компаниялар кізілерінең хада чӧптес салған сурығларны чуртасха киреріне кирек пічіктерні, чыылызып, тимнирге.
– Пістің пӧгінібіс – прай социальнай пӧгіннерні толдырары паза уғаа кирек проекттерні чуртасха киреріне килістіре оңдайлар тӧстирі, – таныхтаан Юлия Исмагилова.
Ол Хакасия правительствозы адынаң Николай Шульгиновха улуғ алғызын читірген, регион тилізіне паалаҷаа чох хозым итчеткен, тӧреміл хабасчатхан, орындағы ӱлгӱлернең пірге тӱзімніг тоғынчатхан паза уғаа кирек сурығларны федеральнай синде пӧгерінде араласчатхан ӱчӱн.
Сом Хакасия правительствозының Москвадағы тӧреміл представительствозыни
Автор :
Ирина Истомина
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
