Мыннаң мындар – хада-пiрге
22.10.2025
Хабарлар
Москвадағы тоғазығ
Тоғазығ. Хакасия пазы Валентин Коновалов Москвада тоғыс чорығы тузында ВГТРК-ның ӧӧн директор орынҷызы – регион департаментi устағҷызы Рифат Сабитовнаң тоғасхан
Тоғазығда iдӧк Хакасияның Москвадағы тӧремiл кiзiзi – регион устағҷызының орынҷызы Юлия Исмагилова паза «Хакасия» ГТРК-ның директоры Лариса Ефименко-Михайлова араласханнар.
Тоғазығ араласчылары федеральнай телевидение паза радио искiрiглерi компаниязынаң мыннаң мындар хада-пiрге тоғыс апарарынҷа кӧстеглерні паза таңдағызына пӧгiннернi кӧргеннер.
Валентин Коновалов ВГТРК-наң хада-пiрге тоғысты сыбыра апарар кӧңнiн читiрген паза регион чуртазын, аның пӧгiннерiн паза тилир оңдайларын кӧзiдерiнҷе медиапроекттернi чуртасха кирерiнде хабазарға тимде. Анзы Хакасияны толдыразынаң кӧзiдерге полызар.
– Хакасияның пай тархын-культуразынаңар паза хайхастығ чир-чайаанының сiлиинеңер, пiстiң республикада национальнай проекттер паза хазна программалары чуртасха кирiлчеткенiнеңер паза чуртағҷылардаңар, хайзылары кiчiг чир-суубысты тилiдерiне кӱстерiн салчалар, федеральнай каналның эфирiнде сюжеттернi сала кӧп сығарарға пiске кирек, – таныхтаан регион устағҷызы.
Хакасия пазы Рифат Сабитовха республикабысха хайығ салчатхан ӱчӱн алғызын читiрген. Iдӧк искiрiглiг сферада хада-пiрге тоғынарына паза мыннаң мындар палғалыс тыып ла турарына iзенiзiн читiрген .
Сом Хакасия правительствозының Москвадағы тӧремiл представительствозыни
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
