Ада чир-суубыс арачылағҷыларына льготалар
15.10.2025
Хабарлар
Матырлар тузы. Ӧнетін чаа операциязы араласчыларына паза оларның сӧбірелеріне хазна полызии пирілче, ол санда налогтар тӧлирінҷе льготалар
Хакасияҷа УФНС-тың специалисттері «Ада чир-суубыс арачылағҷылары» СВО араласчыларына хабазығ пирчеткен хазна фондының Хакасиядағы филиалының социальнай координаторларына семинар иртіргеннер. Ис-пайға налог салылчатхан сферадағы камеральнай сыныхтағ пӧлиинің пастығы Нина Ельцова СВО араласчыларына паза оларның сӧбірелеріне ис-пайға налогтарҷа льготаларнаң тузаланар оңдайлардаңар искiрген.
Олаңай кізілернің ис-пайына налогтарҷа льгота хайди пирілче?
Льгота налог салылҷаң мындағ кӧрімнерінiң пір ле объектіне пирілче:
– квартира, квартираның чардығы алай комната;
– чуртаҷаң тура алай аның чардығы;
– Налог кодексінің 407 статьязының 1 пунктының 14 подпунктында кӧзідiл парған тура алай пӱдіріг;
– Налог кодексінің 407 статьязының 1 пунктының 15 подпунктында кӧзiділ парған хоных пӱдірии;
– гараж алай машина турғысчаң орын.
Налог тӧлирінҷе льгота пирілбинче идінҷек тоғызында тузаланылчатхан налог салылҷаң объекттерге, iдӧк объекттерге, хайзыларының кадастр паазы 300 миллион салковайдаң асча, че андар кірбинчелер гаражтар паза машина турғысчаң орыннар, хайзылары ол объекттерде орныхчалар.
Чир налогынҷа вычеттер паза льготалар
Чаалазығлар ветераннарына паза кинектеріне Налог кодексi чирге налогча налог вычедiн турғысча, пасха сӧстернең, чир участогынҷа налог базазы ол чир участогының 600 квадраттығ метр улииның кадастр паазы синіне хызырылча. Налог вычеді пір ле чир участогына пирілче.
Хоза льготалар паза вычеттер чирге налогҷа алынҷа кізілерге турғызылчалар муниципальнай пӱдістернің представительнай органнарынаң.
Кем транспорт налогын тӧлебес?
Транспорт налогын тӧлирінең позыдылчалар пір транспортха 2021 – 2024 чыллардағы налог тӧлир тустар ӱчӱн:
– 2022 чылның 24 азығ айынаң СВО-да пос кӧңнінең араласчатхан чааҷылар;
– Россияның национальнай гвардия войсколарында служба иртчеткен, полицияның ӧнетін званиезі пар кізілер, хайзылары 2022 чылның азығ айынаң СВО-да араласчалар;
– Россия президентінің 2022 чылда 21 ӱртӱнде алылған «Россия Федерациязында чардыхти мобилизация чарлалчатханнаңар» 647№ Указы хоостыра 2022 чылның 21 ӱртӱнi соонаң Россияның Тирігліг кӱстерінзер мобилизацияҷа чааҷы cлужбазына хығыртылған кізілер;
– пу адалған кізілернің сӧбірелері: (ипчілері, ирлері), чазы читкелек палалары, ӱгредіг организацияларында очнай оңдайнаң ӱгренчеткен 23 часха читкелек палалары.
Хакасияда чаалазығлар ветераннары, «чаалазығлар ветераны» ат пирілген кӱннең сығара, транспорт налогын тӧлирiнең позыдылчалар пір транспортха (ниикке чӧрҷең автомобильге, аның двигательінiң кӱзі – 150 ат кӱзіне теере, алай таарлағ тартчаң автомобильге, аның двигательінің кӱзі – 80 ат кӱзiне теере, алай мотоциклге (мотороллерге), аның двигательінің кӱзі – 35 ат кӱзіне теере, алай катерге (моторлығ кимеге, суғдағы пасха даа транспортха), аның двигательінің кӱзі – 30 ат кӱзiне теере).
Льготалардаңар искiрiгні піліп аларға чарир ФНС-тың сайтында «Ис-пайға налогтарҷа ставкалардаңар паза льготалардаңар пiліп алар искіріг» сервисте. Льготниктерге сурыныс пічиин налог тӧлегҷізінің пос кабинеді пастыра, МФЦ-да, почтаҷа алай посха налог ведомствозында пирерге чарир.
Сом интернеттең алылған
Автор :
Хакасияҷа УФНС
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
