Алған пілістер тузалығ поларлар
15.10.2025
Хабарлар
СВО ветераны Цырен Димчиков стажировка тузында
«Хакасия матырлары» проект. Программа араласчызы Цырен Димчиков Хакасияның юстиция паза регионны хорғыс чох идер киректерҷе министерствозының тоғызынаң ӧткін танысча
Министерствода СВО ветеранының стажировказы ӱртӱн айының ортызында пасталған. Аннаң сығара ол кадрлар тоғызын паза пічіктернең тоғынарын ӱгренерге маңнанған. Iдӧк Цырен Дамбаевич мировой чарғыҷыларның тоғызына хабазарынҷа департамент тоғызынаң танысхан: департамент тоғызының нормативнай тӧстеглерін ӱгренген, чарғы участоктарында паза архивтерде полып алған.
Амды СВО ветераны хазна-право департаментінде ӱгреніп пастапча. Мында ағаа республика правительствозының тоғызына право паза юрист полызиин пирерінең палғалыстығ улуғ искіріглерні ӱгренерге килізер.
Проект араласчызы хайди аймах нормативнай право акттары тимнелчеткенін паза алылчатханын, хайди коррупциядаң тоғыр паза юрист экспертизазы иртiрілчеткенін, муниципальнай нормативнай право акттарының регистрі ниме полчатханын паза правонаң тузаланчатханын сыныхтиры нимее кирек полчатханын піліп алар.
– Хайдағ даа ӱлгӱ органының тоғызы законодательствонаң, аймах нормативнай право акттарын тимнирінең паза аларынаң палғалыстығ. Пу сферадағы тоғысты пілбин, хазна органының алай пӧлиинің пір дее устағҷызы тоғысты тӱзімніг апар полбас. Хазна-право департаменті, пір дее ікінҷілес чох, нормативнай право акттарын сығарарының тӧстеглерін ӱгренер иң чахсы орыннарның пірсі полча. Iзенчем, мында алған пілістер алнындағы тоғыста мағаа хайди даа тузалығ поларлар, – сағыстарынаң ӱлесче «Хакасия матырлары» проекттің араласчызы Цырен Димчиков.
«Хакасия матырлары» – Россия президентінің пастаанҷа тӧстелген «Матырлар тузы» федеральнай проект осхас программа. Проект ӧнетін чаа операциязы араласчылары паза ветераннары санынаң хазна паза муниципальнай устағ системазында устағҷылар командазын тӧстиріне паза тимниріне кӧстелче.
Сом Хакасияның юстиция паза регионны хорғыс чох идер киректерҷе министерствозының пресс-службазыни
Автор :
Виктория Айснер
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
