Россияның чиңiсчiлері устарын Хакасияда кӧзiдерлер
10.10.2025
Хабарлар
Таңда, чарыс айының 11-ҷi кӱнiнде, 16.00 часта В.Г.Чаптыковтың адынаң Хакас филармониязында чоннар аразындағы паза тиксi Россиядағы марығларның чиңiсчiлерiнiң чайаачы иирi (6+) полар.
Улуғ залның сценазынзар Россияның чиит кӧгҷiлерi сығарлар: П.И.Чайковскийнiң адынаң ХVII Чоннар аразындағы марығның кӱмӱс медальының лауреады Федор Освер (гобой, Москва), олох марығның хола медальының ээзi Даниил Коган (скрипка, Москва) паза С.В.Рахманиновтың адынаң II Чоннар аразындағы пианисттернiң, композиторларның, дирижёрларның марииның хола медаль ээзi Ляо Тинхун (фортепиано, Хыдат).
Чайаачы иир Россияның культура министерствозының кӱстенiзiнең «Тиксi Россияның паза чоннар аразындағы марығларның чиңiсчiлерiнiң концерттерi» культура проектi хоостыра иртер.
Программада С.Рахманиновтың, В.А.Моцарттың паза И.Брамстың кӧглерi толдырылар. Чайаачы оолларның устарын филармонияның симфоническай оркестрi чазир. Аннаң Хакасияның чон артизi, дирижёр Вячеслав Инкижеков устир.
Чииттерге концертке Пушкин картазынаң тузаланып кiрерге чарир.
Автор :
Аскар Артамонов
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
